Búgin, 6 qazan kúni Kókshetaýdaǵy «Abylaı han jáne onyń tarıhı dáýiri» atty halyqaralyq ǵylymı-tájirıbelik konferensııa kezinde hannyń urpaqtary ózderiniń alǵysy retinde Elbasy Nursultan Nazarbaevqa Abylaı han beınelengen estelik músindi tapsyrdy. Bul týraly «QazAqparat» tilshisi habarlady.
«Han urpaqtary konferensııada Abylaı armanyn júzege asyryp, táýelsiz eldiń órkendeýindegi eńbegi úshin Memleket basshysyna rızashylyǵyn bildirdi», - delingen onda.
«Búgin Kókshetaýda Abylaı hannyń 300 jyldyǵyna arnalǵan merekelik sharalar ótip jatyr. Tańerteń qalada QR Memlekettik hatshysy Marat Tájın, QR Mádenıet jáne aqparat mınıstri Muhtar Qul-Muhammed, «Nur Otan» HDP Tórǵasynyń orynbasary Baýyrjan Baıbek, QR Bilim jáne ǵylym mınıstri Aslan Sárinjipov, Aqmola oblysynyń ákimi Qosman Aıtmuhametov jáne zııaly qaýym ókilderi men sheteldik qonaqtardyń qatysýymen Abylaı hannyń eskertkishine gúl shoqtaryn qoıý rásimine qatysty», - delingen odan ári.
Abylaı han Qazaq Ordasynyń hany, qazaq memleketiniń tarıhyndaǵy asa kórnekti memleket qaıratkeri. Arǵy tegi Joshy han, bergi babalary qazaq ordasynyń negizin salǵan Áz-Jánibek. Odan soń eńsegeı boıly er Esim han, Salqam Jáńgir han. Abylaı - Jáńgir hannyń besinshi urpaǵy.
Sáken Maılybaı.