"Almaty-Inchon" reısindegi jolaýshylardyń birinde koronavırýs bar ekeni anyqtalǵan. Bul týraly búgin osy qalanyń merııasy málimdegen, - dep habarlaıdy Egemen.kz
Esterińizge salaıyq, 60-tan astam qazaqstandyq 9 maýsymda Ońtústik Koreıaǵa ushyp kete almaǵan edi. Biraq másele sheshilip keshe tańerten ushaq Ońtústik Koreıanyń negizgi áýejaıyna qonǵan. "Habar24" arnasynyń habarlaýynsha, ushyp barǵannan keıin barlyq jolaýshynyń dene temperatýrasy tekserilip, testiden ótken. Olardyń birinde nátıjesi oń bolypty.
Naýqas Qazaqstan azamaty ekeni belgili. Ol 31 jastaǵy áıel kisi. Inchhonnyń Ionsý aýdanynda turady. Dárigerlerdiń aıtýynsha, jolaýshyda COVID-19 belgileri bolmaǵan, tek temperatýrasy 37,1 gradýsty kórsetken.
Qazir naýqas aýrýhanada. Bul – Koreıa Respýblıkasyndaǵy Qazaqstan azamatynda koronavırýs juqtyrýdyń alǵashqy deregi. Buǵan deıin mamyrdyń 31-i kúni dert Máskeýden kelgen qazaqstandyq áıeldiń úsh jasar qyzynan anyqtalǵan edi. Bul otbasy Yıdjonbý qalasynda turady Ońtústik Koreıaǵa shetelden kelgenderdiń barlyǵy eki apta úıde oqshaýlanýy tıis.
Sondyqtan Almatydan kelgen jolaýshylar da 14 kún úıde bolady. Sondaı-aq, olar uıaly telefondaryna arnaıy qosymshany júkteýi tıis. Osy arqyly Densaýlyq saqtaý basqarmasy olardyń jaǵdaıy týraly málimetter alyp, júrip-turýyn baqylaıdy. Jalpy, Koreıa zańy boıynsha oqshaýlaý erejelerin buzǵany úshin shamamen 7,5 myń dollar aıyppul salynady.