Respýblıka boıynsha 500-ge jýyq erikti Azamattarǵa arnalǵan úkimet pen Memlekettik qyzmet isteri agenttigimen birlese otyryp, memlekettik qyzmetti onlaın rejıminde alý daǵdylary boıynsha uıymdastyrǵan tıisti oqý kýrstarynan ótti, - dep habarlaıdy Egemen.kz.
Eriktiler azamattarǵa mobıldi azamattar bazasynda óz betinshe tirkelýge, ESQ alýǵa, halyqqa qyzmet kórsetý ortalyǵyna kezekti brondaýǵa, sondaı-aq egov.kz portalynda elektrondyq qyzmetterdi alýǵa kómektesedi dep josparlanyp otyr.
Mańǵystaý oblysy boıynsha 25 erikti qala men aýdandaǵy halyqqa qyzmet kórsetý ortalyqtarynda oqýdan ótip qazirgi tańda mamandarmen birge ortalyqqa kelgen turǵyndarǵa keńesterin berip qol ushyn sozýda.
"Aqtaý qalasyndaǵy 15 shaǵyn aýdan jáne mamandandyrylǵan HQKO-da elektrondyq qyzmetter budan bylaı kórsetilmeıdi. Olardy ákimdikterde, saýda jáne oıyn-saýyq ortalyqtarynda, medısınalyq uıymdar men ýnıversıtetterde jáne t.b. jerlerde ornalasqan arnaıy egov buryshtarynan alýǵa bolady. Qazirgi ýaqytta Qazaqstanda 600-den astam osyndaı burysh bar. Al Aqtaý qalasy boıynsha 30 burysh bar. Eriktiler azamattarǵa sol jerlerde de keńes beredi dep josparlanǵan. Sondaı-aq qyzmetterdi óz betinshe alý boıynsha keńester halyqqa qyzmet kórsetý ǵımaratynyń kireberisinde jáne sıfrly halyqqa qyzmet kórsetý ortalyqtarynda kórsetiledi", -deıdi "Azamattarǵa arnalǵan úkimet" memlekettik korporasııasy" KE AQ" Mańǵystaý oblysy boıynsha fılıal dırektory Erbol Baıjigit.
Mańǵystaý oblysynyń volonterlar korpýsynyń jetekshisi Muqash Oralbaı "Jyl basynda "Azamattarǵa arnalǵan úkimet" memlekettik korporasııasy" kommersııalyq emes aksıonerlik qoǵamy" Mańǵystaý oblystyq fılıaly óńirdegi korporatıvtik volonterlik qyzmetti damytý jáne azamattarǵa elektrondyq nysanda memlekettik qyzmetter kórsetýdi qamtamasyz etý boıynsha ózara árekettestik jáne yntymaqtastyq jóninde Memorandýmǵa qol qoıǵan edik. Búginde atalǵan memorandým aıasynda "Azamattarǵa arnalǵan úkimet" memlekettik korporasııasy" kommersııalyq emes aksıonerlik qoǵamy" Mańǵystaý oblystyq fılıalynyń mamandary "Volonterlar korpýsy" volonterlaryn azamattarǵa elektrondyq nysanda memlekettik qyzmetter kórsetýdi qamtamasyz etý boıynsha oqytý júrgizilýde. Oqytýdan ótken volonterlar Aqtaý qalasynyń turǵyndaryna, onyń ishinde, múmkindigi shekteýli jáne jalǵyzbasty azamattarǵa elektrondyq nysanda memlekettik qyzmetter alý múmkindigin úıretip bastady. Atalǵan naqty atqarylyp jatyrǵan jumys - óńirdegi korporatıvtik volonterlik damýynyń jańa satysy dep esepteımin", - deıdi.