Bul týraly Bilim jáne ǵylym mınıstrliginiń Ulttyq testileý ortalyǵynyń dırektory Dıdar Smaǵulov aıtyp berdi, - dep jazady Egemen.kz
"Eger ǵımaratqa kirip bara jatqanda tyıym salynǵan zattar, smartfondar, jazba qaǵazdar jáne t.b. zattar tabylsa, talapker testke jiberilmeıdi. Kez kelgen adam UBT-nyń ótý barysyn kóre alady. Kórsetilim siltemesi UBT jaqyndaǵanda jarııalanady. Ár aýdıtorııada beınebaqylaý ornatylady. Barlyq jazbalarǵa 25 tamyzǵa deıin taldaý júrgiziledi. UBT ótkizý qaǵıdalaryn buzý anyqtalǵan jaǵdaıda kóshirý, qaǵaz jazbalaryn qoldaný jáne t.b. testileý nátıjeleri joıylady. Sonymen qatar, bilim berý grantyn taǵaıyndaý konkýrsynyń nátıjeleri de joıylýy múmkin", dedi D. Smaǵulov.
Onyń aıtýynsha, UBT ótý barysyn kez kelgen adam baqylaı alady.
"Sonymen qatar, beıneni tek adamdar ǵana emes, beıne taldaý júıesi arqyly da baqylaımyz. Arnaıy algorıtm test tapsyrýshynyń kúdikti pozısııasyn nemese qolyndaǵy tyıym salynǵan zatty anyqtaýǵa kómektesedi. Baqylaý tek test tapsyrýshy talapkerlerge ǵana emes, baqylaýshylarǵa da júrgiziledi. Ár adam UBT ótý barysyn baqylaı alady", dedi D. Smaǵulov.