Búginde kýrorttyq aımaqtyń týrıstik qyzmet kórsetý ınfraqurylymyna 178 nysan kiredi, - dep habarlaıdy Egemen.kz.
Kýrorttyq aımaqta 45 sanatorıı bar. Onyń 13-i balalarǵa arnalǵan saýyqtyrý ortalyǵy. 133 nysanǵa 13 myńnan astam týrısti ornalastyrýǵa bolady. 600 myńnan astam dúken, qoǵamdyq tamaqtaný orny men turmystyq qyzmet uıymdary bar.
"Oblys basshylyǵy tarapynan týrıstik aımaqqa jaqsy kóńil bólinýde. Jańadan otelder ashylýda. Sondaı-aq, bıyl "Jekebatyr" sanatorııi, "Aq jelken" taý shańǵysynyń kesheni ashylmaq. Býrabaı eldimekeniniń ortalyǵynda "Vındom Garden" qonaq úıin ashý josparlanýda. Ol álemdik brendtegi otel bolmaq", – deıdi Býrabaı aýdandyq dene shynyqtyrý, sport jáne týrızm bóliminiń jetekshisi Azamat Baımuqanov.
Ekologııalyq týrızmdi damytý aıasynda 29 ekskýrsııa baǵyty daıyndaldy. Onyń 19-y – jaıaý, ekeýi atpen, bireýi velosıpedpen, endi biri sýmen jáne altaýy avtobýspen júrýge arnalǵan. Bes baǵyt boıynsha abattandyrý jumysy júrgizildi. Olar: "Kenesarynyń úńgiri", "Ybyraıdyń soqpaǵy", "Tabıǵat aıasynda", "Oqjetpes shyńy", "Kókshe taý".
Jalpaq jurt jaman tumaýdan arylsa, irgege kelgen indettiń beti qaıtsa, Býrabaıdyń baýraıy týrısterge tolmaq. Ol úshin bar jaǵdaı jasalýda.
Aqmola oblysy