Búgin Almaty qalasynyń ákimi Baqytjan Saǵyntaev óziniń Twitter-degi paraqshasynda qalalyqtardyń qorshaǵan ortanyń jaǵdaıy, sonyń ishinde aýaǵa qatysty habardar etip otyratyn ekologııalyq jobanyń iske qosylǵandyǵy týraly jazdy, - dep habarlaıdy Egemen.kz.
"Atmosferalyq aýanyń sapasyn LED ekranda kórsetemiz. Qalanyń ár bóliginde ornalasqan aqparat berý qurylǵylaryn Qazgıdromet jańartyp, óńdeıdi. Bul joba almatylyqtardyń qalanyń ekologııalyq ahýalyn bilip otyrýyna múmkindik beredi", — dedi B.Saǵyntaev.
Aqparat 26 "datchıkter" arqyly jaqyn mańdaǵy LED-ekranǵa túsedi. Mundaǵy málimetter bir kúnde úsh ret jańarady. Qosymsha taǵy 10 monıtorıngtik stansııalar qosylatyn bolady.
Málimetter aýanyń negizgi alty kórsetkishinen turady. Olar: RM 2,5 ólshengen bólikteri, kúkirttiń dıkosıdi, azottyń dıkosıdi, azottyń oksıdi, kómirteginiń oksıdi, fenol.
Bul joba Almaty ákimi B.Saǵyntaevtyń tapsyrmasyna sáıkes júzege asyp otyr jáne qalanyń ekologııalyq ahýalyn jaqsartýdyń keshendi sharalarynyń biri bolyp tabylady.
Eske salsaq, ekologııalyq aqparatqa qoljetimdilik quqyǵy Qazaqstan Respýblıkasynyń Ekologııalyq kodeksinde aıtylǵan.