Keshe ÝEFA-nyń atqarý komıteti beınekonferensııa ótkizip, fýtzalǵa qatysty birqatar ózekti máseleler boıynsha keleli áńgime qozǵaldy, - dep habarlaıdy Egemen.kz.
Beınekonferensııada kóterilgen máselelerdiń biri – fýtzaldan Chempıondar lıgasynyń aldaǵy ýaqyttaǵy kestesi men reglamenti jáne sheshýshi saıystardyń ótetin jerin tańdaý. Soǵan sáıkes atalmysh jarystyń bıylǵy maýsymdaǵy jartylaı fınaly, úshinshi oryn úshin tartys jáne fınaldyq saıysy 8-11 qazan aralyǵynda Ispanııanyń Barselona qalasynda uıymdastyrylatyn boldy.
Esterińizge sala keteıik, bıyl Chempıondar lıgasynyń jartylaı fınalynda myna komandalar ózara kúsh synasady: "Barsa" (Ispanııa) – KPRF (Reseı) jáne "Mýrsııa" (Ispanııa) – "Tıýmen" (Reseı). Osy juptardyń jeńimpazdary bas júlde úshin talassa, jeńilgenderi qola medal úshin kúsh synasady.