Almaty oblysynda buqaralyq sportty damytýǵa basym kóńil bólinip otyr. Bul jumys birneshe jyl buryn Elbasy Nursultan Nazarbaevtyń ákimderdiń aldyna júktegen mindeti aıasynda bastaý alǵan bolatyn. Qazir óńirdiń barlyq aýdanynda salamatty ómir saltyn ustanýǵa qajetti jaǵdaı jasalýda.
Máselen, 2022 jyly oblystaǵy 17 aýdan men 3 qala tolyqtaı jańa sporttyqsaýyqtyrý keshenderimen qamtylady degen maqsat oryndalýda. Bıyl jyl sońyna deıin 7 keshen qoldanysqa berilmek. Qazir sport nysandarynyń qurylysy Raıymbek, Eskeldi, Balqash, Kóksý, Uıǵyr, Qarasaı jáne Aqsý aýdandarynda qyzý júrip jatyr. Atalǵan alty aýdandaǵy sport kesheni aldaǵy kúzde ashylmaq. Bul maqsatqa 8 mlrd teńge qarjy bólinipti. Nysandar paıdalanýǵa berilgennen keıin aımaqtaǵy sporttyq nysandardyń aýmaǵy birden 29,5 myń sharshy metrge ulǵaıady degen úmit bar. Munan bólek taǵy 6 sport nysany kúreli jóndeýden ótpek. Onyń ishinde Taldyqorǵan qalasy men Eńbekshiqazaq aýdanyndaǵy sporttyq-saýyqtyrý keshenderine kúrdeli jóndeý júrgizý josparlansa, Eskeldi, Kerbulaq jáne Ile aýdanyndaǵy nysandarǵa aǵymdaǵy jóndeý jumysy jasalmaq. Jalpy, qurylysy bastalǵan nysandardyń tórteýi «Aýyl – el besigi» jobasy aıasynda salynyp jatyr. Nátıjesinde aýyl turǵyndarynyń salamatty ómir saltyn ustanýyna jol ashylmaq. Ásirese jastardyń buqaralyq sportqa bet burýyna jaǵdaı jasalmaq. Al qazirgi sátte aýylda turatyn jastar sany 320 myń shamasynda. Iаǵnı aýyldardan ashylatyn sport ortalyqtaryna aǵylatyn adam sany jetkilikti bolary anyq.
Aıtpaqshy, óńir ákimderine 100 sport saýyqtyrý keshenin salýǵa pármen bergen Elbasy bul iske ózi bas bolyp kirisip, úlgi kórsetken bolatyn. Byltyr Nursultan Nazarbaev týǵan aýylynda zamanaýı talapqa tolyqtaı saı keletin sport keshenin salyp, turǵyndarǵa tartý etken-di. «Týǵan jer» baǵdarlamasy boıynsha Elbasy qarjysyna salynǵan «Úshqońyr» sport kesheninde qazir boks, kúres jáne trenajer zaly, júzý basseıni, tennıs korty, basqa da sport ınfraqurylymy jumys istep tur.
– Bizdiń balalyq shaǵymyzda sportpen shuǵyldaný úshin mundaı jaǵdaı bolmady. Al qazir jastar úshin barlyq múmkindik bar. Kóptegen tabysty azamattarymyz týǵan aýyly men aýdandaryna qoldaý kórsetedi dep oılaımyn. Jańa sport kesheninde jattyǵatyndardyń arasynan bolashaq chempıondar shyǵady dep senemin. Meniń otbasym jáne jaqyndarym osy sport keshenin arnaıy turǵyndardyń ıgiligi úshin saldy, – degen bolatyn «Úshqońyr» sport kesheniniń ashylý saltanatynda sóz alǵan Nursultan Nazarbaev.
О́tken jyly dál osyndaı ortalyq Talǵar aýdanynda da ashylǵan bolatyn. Sporttyń jekpe-jek jáne jaýyngerlik jattyǵý túrlerine arnalǵan 180 oryndyq deneshynyqtyrý-saýyqtyrý ámbebap kesheni aıasynda Talǵar aýdanynyń «Almaly» balalar men jasóspirimder sport mektebi de jumysyn bastaǵan. Keshen aýmaǵynda trenajerlyq, oıyn, kúres, boks jáne jattyǵý zaldarynan bólek, voleıbol, basketbol, fýtbol sporttyq alańdary men 400 oryndyq kórermen trıbýnasy ornalasqan. Al «Almaly» balalar men jasóspirimder sport mektebi balalardy sporttyń 15 túrine baýlıdy. Munda boks, basketbol, voleıbol, grek-rım jáne erkin kúres, qazaqsha kúres, jeńil atletıka, fýtbol, gandbol, taekvondo, karate-do, sambo, jekpe-jek, sadaq atýǵa jattyǵý úshin qajetti jaǵdaı jasalǵan.
Byltyr Alakól aýdanynyń ortalyǵy Úsharal qalasynda da «Tarlan» atty ámbebap deneshynyqtyrý-saýyqtyrý kesheni iske qosyldy. Atap aıtarlyǵy, bul keshen óńirden shyqqan belgili memleket qaıratkeri Saýat Myńbaevtyń jeke qarjysyna salynǵan bolatyn. Búginde sport kesheninde boks, kúres, dzıýdo, taekvondo, aýyr atletıkamen aınalysýǵa jáne fýtbol oınaýǵa barlyq múmkindik bar. Túrli sport jattyǵýlaryna beıimdelgen zaldardan bólek, fýtbol alańy men «Street workout» alańqaıy da jumys istep tur. Al osy deneshynyqtyrý-saýyqtyrý kesheniniń qurylysyna ınvestor 500 mln teńge qarjy jumsaǵan eken.
Jalpy, buqaralyq sport nysandaryn salý isine «Jumyspen qamtýdyń jol kartasy-2020» baǵdarlamasy da qosymsha qarqyn qosty. Aýdandardaǵy qurylysqa jan bitirgen jol kartasy aıasyndaǵy jumys eldi eńbekpen qamtýǵa da jol ashty. Máselen, Kóksý aýdanyndaǵy sport kesheni bıyl qoldanysqa berilmek. Qazir aýdan ortalyǵy Balpyq bı kentinde nysan qurylysy qyzyp tur. 180 oryndyq deneshynyqtyrý kesheniniń qurylysyna 300 mln teńge qarjy baǵyttalǵan. Jalpy aýmaǵy 2 gektar jerdi alyp jatqan jańa keshende voleıbol, basketbol, gandbol, shaǵyn fýtbol, badmınton, tennıs alańdary men boks jáne kúres zaldary da ashylmaq. Nysan aýmaǵynda hokkeı alańy men skalodrom salý da qarastyrylǵan eken.
– Elbasy Nursultan Nazarbaev osydan biraz ýaqyt buryn «О́ńirlik deńgeıdegi rezervterdi taýyp, buqaralyq sport pen dene shynyqtyrýdyń qoljetimdiligin arttyrý qajet» dep aımaqtarda atqarylatyn jumystyń baǵytyn aıqyndap bergen edi. Memleket basshysy Qasym-Jomart Toqaev ta buqaralyq sportty damytýdy basty nazarda ustap, qoldanystaǵy, ásirese mektepterdegi sport ǵımarattaryn tıimdi paıdalanyp, deneshynyqtyrýmen aınalysý úshin aýlalardy, parkterdi, saıabaqtardy jabdyqtaý máselesin kún tártibinen túsirgen emes. Almaty oblysynda bul baǵytta aýqymdy jumys atqarylýda. Biz aımaqta salamatty ómir saltyn nasıhattap qana qoımaı, adamdardyń sportpen aınalysýyna jaǵdaı jasap otyrmyz. Nátıjesinde oblys turǵyndarynyń 30 paıyzyn buqaralyq sportpen qamtýǵa qol jetkizdik. Jaqsy is jalǵasyn taba beredi. 2022 jylǵa deıin oblystaǵy 17 aýdan men 3 qala jańa sporttyq-saýyqtyrý keshenderimen túgeldeı qamtylyp, sportty serik etken jetisýlyqtar qatary kóbeıe túsedi, – deıdi oblys ákimi Amandyq Batalov.