Kardıologııa jáne ishki aýrýlar ǵylymı-zertteý ınstıtýtynyń basqarma tóraıymy Roza Qýanyshbekova ınstıtýttyń kardıohırýrgtar komandasymen aorta qaqpaqshasyn bıologııalyq protezben almastyrý jáne aortakoronarlyq shýntteý operasııasynan keıin pasıent Alekseı Zaıkany 78 jasqa tolýymen quttyqtady. Ol týǵan kúninde reanımasııadan palataǵa aýystyryldy. Roza Toqtanáliqyzy onyń optımıstik kózqarasy men ota jasatqan kezde batyldyǵyn atap ótti.
Alekseı Alekseevıchtiń ózi dárigerlerge, ınstıtýttyń búkil ujymyna rızashylyǵyn bildirdi. «Men dárigerlerge óte rızamyn, ony sózben aıtyp jetkize almaımyn, ózimdi jaqsy sezinemin, denderińiz saý bolsyn», dedi ol. Sondaı-aq basqa pasıentter de Alekseı Alekseevıchti quttyqtap, izgi tilekterin bildirdi.
Kardıohırýrgııa bólimshesiniń meńgerýshisi Rústem Tóleýtaevtyń aıtýynsha, pasıent stasıonarǵa jatqyzylǵan kezde, onyń shamaly kúsh túskende entigý, aýa jetispeýshiligi, júregi qysyp, tez sharshaý, jalpy álsizdik sııaqty shaǵymdary bolǵan eken. Ol jaǵdaıdyń aýyrlyǵyn júrek jıyrylýynyń tómendeýimen de baılanystyrdy.
Pasıent 15 jyl boıy sozylmaly obstrýktıvti ókpe aýrýy jáne bronh demikpesimen esepte turǵan, júrekke tekserilmegen jáne emdelmegen, tynys jetispeýshiligi bronh jáne ókpe patologııasymen baılanystyrylǵan.
Kardıologııa jáne ishki aýrýlar ǵylymı-zertteý ınstıtýtynda oǵan aralas aorta aqaýlary (krıtıkalyq stenoz jáne 2 dárejeli jetkiliksizdik), mıtraldy qaqpaqshanyń jetkiliksizdigi, 3 dárejeli arterıaldy gıpertenzııa dıagnozy qoıylyp, hırýrgııalyq emge kórsetkishteri bar ekeni aıtyldy. Pasıenttiń operasııadan keıingi jaǵdaıy turaqty, antıbakterıaldy jáne dárilik terapııa alyp, tynys alý jattyǵýlarymen aınalysýda.