Prezıdent Qasym-Jomart Toqaev qazaqstandyqtardy dárigerlerge qarsy zańsyz áreketterge jol bermeýge jáne olarǵa til tıgizbeýge shaqyrdy, - dep habarlaıdy Egemen.kz Aqorda saıtyna silteme jasap.
"Iá, bul qaýipti aýrý, ony emdeýde áli de vaksına joq. Biraq solaı eken dep, dúrbeleńge salynýǵa bolmaıdy. Odan da zańsyz áreketterge jol bermeı, dárigerlerdi jazǵyrýǵa, sanıtarlyq rejımdi buzýǵa jol bermeýlerińizdi suraımyn. Naýqastar mazasyzdyq pen pessımızmge ushyramaýy kerek. Emdeýmen qatar fızıkalyq jáne adamnyń rýhanı jaǵdaıy onyń tez saýyǵýyna yqpal etedi. Sondyqtan, Densaýlyq saqtaý mınıstrligi men sanıtarlyq dárigerlerdiń usynǵan talaptaryn ustanýyńyzdy suraımyn. Bizdiń barlyq kúsh-jigerimiz elimizdiń basty baılyǵyn - Qazaqstan Respýblıkasy azamattarynyń ómiri men densaýlyǵyn saqtaýǵa baǵyttalǵan", - dedi Qasym-Jomart Toqaev.