Semeı qalasynyń ákimi Ermak Sálimov koronavırýs indetine shaldyqqany anyqtaldy. Bul týraly qala ákimi Facebook paraqshasynda jazdy.
"Qurmetti jerlester!⠀Sizderge kelesi jaǵdaılardy málimdeý mindetim dep esepteımin, búgin Covid-19 anyqtaý maqsatynda tapsyrǵan test oń nátıje bergeni belgili boldy.⠀Shekteýlerge qaramastan kóp adamdarmen belsendi túrde tyǵyz baılanysta júrgizilgen jumystar óz áserin kórsetti deýge bolady.⠀Búgingi kúnnen bastap qatań oqshaýlaý rejıminde bolamyn. Múmkindiginshe onlaın jumys júrgizýge tyrysamyn.⠀Barlyq Semeılikterdi saqtyq sharalary men sanıtarlyq qyzmetterdiń erejelerin saqtaýǵa shaqyramyn. О́zderińizdi jáne jaqyndaryńyzdy saqtańyzdar", - dep jazdy qala ákimi.