COVID-19 indetine baılanysty Olımpııa oıyndary keıinge shegerilgennen soń Halyqaralyq gımnastıka federasııasy jarys kúntizbesine ózgeris engizdi, dep habarlady UOK baspasóz qyzmeti.
Jańartylǵan kúntizbege sáıkes, kórkem gımnastıkadan birinshi álem kezeńiniń ótetin ýaqyty belgili boldy. Bastapqyda atalǵan dodalar keıinge shegerilgen bolatyn. Nátıjesinde, barlyq kezeń 2021 jylǵa aýystyryldy.
Keste boıynsha kelesi jylǵy álem kýbogynyń jarystary myna qalalarda ótedi: Sofııa (Bolgarııa) – 2021 jyldyń 9-11 sáýiri, Tashkent (О́zbekstan) – 2021 jyldyń 16-18 sáýiri, Baký (Ázerbaıjan) – 2021 jyldyń 7-9 mamyry, Pesaro (Italııa) – 2021 jyldyń 28-30 mamyry.