Aqyl-esi kem sportshylar arasynda uıymdastyrylatyn 2022 jylǵy Qysqy Olımpııa oıyndaryn Reseıdiń Qazan qalasy qabyldaıdy. Mundaı arnaıy Olımpıada sońǵy ret 2017 jyly Aýstrııada ótken edi.
«2022 jylǵy oıyndar Special Olympics International uranymen ótetin alǵashqy halyqaralyq shara bolmaq. Oıyndar myń jyldyq tarıhy bar Tatarstan astanasy – Qazan qalasynda ótedi. Qazan sońǵy 10 jyldyń ishinde iri sporttyq sharalardy: 2013 jylǵy Búkilálemdik jazǵy Ýnıversıadany, 2015 jylǵy sý sporty túrleri boıynsha álem chempıonatyn, fýtboldan álem chempıonatynyń matchtaryn ótkizgen bolatyn», delingen uıymdastyrýshylardyń habarlamasynda.
Jalpy, Qysqy oıyndarǵa 108 memlekettiń eki myńǵa jýyq sportshysy qatysady dep josparlanǵan.