Sonymen qatar dárilik zattardy taratý adam basyna 2-3 qaptamamen shektelgen, dep habarlaıdy Egemen.kz ákimdiktiń baspasóz qyzmetine silteme jasap.
Qalanyń dárihanalarynda pandemııaǵa jaǵdaıynda qajetti dári-dármekterdiń bolýyn qadaǵalaıtyn monıtorıngtik top elordanyń bas memlekettik sanıtarlyq dárigeriniń sheshimimen quryldy.
Topty Taýarlar men qyzmetterdiń sapasy men qaýipsizdigin baqylaý komıtetiniń departamenti kásipkerlik jáne ınvestısııalar basqarmasy, "Qazaqstan Respýblıkasynyń farmasevtıkalyq qyzmetin qoldaý jáne damytý qaýymdastyǵy" ZTB-men birlesip qurdy. Mamandar qalanyń dárihanalarynda dári-dármekterdiń qol jetimdiligine kúndelikti monıtorıng júrgizedi.
Tizimde mynadaı preparattar bar: "Tamıflıý", "Kardıomagnıl", "Aspırın", "Trombo ass", "Aspırın-Kardıo", "Ksarelto 15 mg", "Azıtro 500 mg", "Azıtroks 500 mg", "Azıtromısın 500 mg", "Azısın 500 mg", "Zaha 500 mg", "Zıtmak 500 mg", "Zıtroks 500 mg", "Sýmamed 500 mg", "Amoksıklab", "Aýgmentın", "Amoksıklav", "Klavam", "Flemoklav Solıýtab", "Sefıksım", "Sefım", "Sýpraks solıýtab", "Sýpraks 24", "Toksım-O", "Tamıflıý", "Oseltamıvır", "Inflıýseın", "Flývır", "Nomıdes", "Ingavırın 90 mg", "Ergoferon", "Kagosel", "Arpeflıý", "Parasetamol", "Efferalgan", "Panadol", "Nýrafen", "Ibýprofen", "Novıgan", "Mıg 400", "Nımesýlıd".
Dárihana uıymdarynyń basshylaryna Densaýlyq saqtaý mınıstrliginiń buıryǵyna sáıkes dári-dármekterdiń shekti bólshek saýda baǵalaryn qatań saqtaý tapsyryldy. Sheshim dárihana uıymdary úshin mindetti bolyp tabylady. Sonymen qatar búgingi kúnge deıin ákimdik pen bólshek saýda jelisiniń qaýymdastyqtary arasynda dári-dármek jetkizilimin shekteý maqsatynda ár satyp alýshyǵa 2-3 qaptamadan asyrmaý týraly memorandým jasaldy. "Emdeý kezinde preparattyń dál osyndaı mólsheri qajet, óıtkeni olardyń jaramdylyq merzimi jáne saqtaý sharttary bar", – dep habarlady departamentten.
9 shildege deıin birqatar vırýsqa qarsy, ystyq túsiretin dáriler men antıbıotıkter elorda dárihanalaryna jetkiziledi dep kútilýde.
Sonymen qatar ystyq túsiretin dári-dármekterdiń tapshylyǵynda olardyń balama nusqalary bar: "Panadol", "Efferalgan", "Ibýprofen", "Ibýfen", "Mıg", "Novıgan", olar dárihanalarda bar.
Koronavırýs ınfeksııasynyń aldyn alý úshin azamattar sanıtarlyq qaýipsizdik sharalaryn qatań saqtaý kerek: maska, qolǵap kıip, qolyn sabynmen jýyp, áleýmettik qashyqtyq saqtaý qajet.