Qazaqstan Respýblıkasynyń tuńǵysh Prezıdenti-Elbasy Nursultan Nazarbaev Qazaqstan halqyna úndeý joldady, - dep habarlaıdy Egemen.kz.
"Qadirmendi halaıyq! Qazir biz bárimiz qıyn kezeńdi bastan keshirip jatyrmyz. Búkil dúnıemen kórip jatqan nárse bul, ol qıynshylyqty men óz basymnan ótkizdim. Osy kezeńde janashyrlyq bildirgen barlyq jerlesime, otandastaryma shyn kóńilimmen taǵy da rızashylyǵymdy aıtqym keledi, sizderdiń aıtyp jatqan tilekterińizden kúsh qýat alyp, emdelip shyqtym. Kóp raqmet! Qazir de syrqattanyp jatqan jandar bar, qınalyp jatqan jandar bar, olar aman-esen shyǵady dep senemin, sebebi oǵan sený kerek, kónbeý kerek, jeńý kerek! Biz odan kúshtimiz dep sanasańdar, sonda biz barlyǵyn jeńemiz. Bir batyr babalardyń urpaǵamyz. Budan da ótemiz Qudaı buıyrsa", - dedi Elbasy.