Polshanyń qazirgi prezıdenti Andjeı Dýda eldegi prezıdent saılaýynyń ekinshi týrynja jeńiske jetti, - dep habarlaıdy Egemen.kz.
Memlekettik saılaý komıssııasy 100 paıyz bıýlletendi sanap, Dýdanyń 51 paıyz daýyspen jeńiske jetkenin málimdedi. Onyń qarsylasy Varshava ákimi Rafal Tshaskovskııge daýys berýshilerdiń 49 paıyzy daýys bergen.
Bul – Polshada kommýnıstik rejım qulaǵaly, ıaǵnı 1989 jyldan bergi prezıdent saılaýyndaǵy eń az daýys aıyrmashylyǵy.
Dýda – konservatorlar ókili. Onyń saılaýaldy kampanııasy ulttyq qundylyqtardy qorǵaýǵa qurylǵan. Qazirgi prezıdent abort pen LGBT ıdeologııasyn synaıdy.
Tshaskovskıı – lıberaldy qundylyqtardy jaqtaýshy. Ol LGBT ókilderin qýdalaýǵa qarsy.
Polshadaǵy saılaý eki týrǵa ulasty. 28 maýsymdaǵy birinshi týrda Dýda 46,5 paıyz, al Tshaskovskıı 30,5 paıyz daýys alǵan.
Andjeı Dýda 2015 jyldyń tamyzynan beri prezıdent bolyp otyr. 2015 jylǵy saılaýda ol Polshanyń sol kezdegi basshysy Bronıslav Komarovskııdi jeńgen.