Eńbekshiqazaq aýdanynyń turǵyndary respýblıkalyq referendýmǵa qatysý barysynda ulttyq sımvoldar men beınelerden shabyt alyp, kreatıvti kózqaras tanytyp jatyr, dep habarlaıdy Egemen.kz.
Almaty oblysy ákimdiginiń málimetinshe, Esik qalasyndaǵy №123 saılaý ýchaskesinde daýys berý barysynda turǵyndardyń nazaryn erekshe qatysýshy aýdardy – Qazaqstan tarıhy men mádenıetiniń mańyzdy sımvoldarynyń biri sanalatyn Altyn adam beınesindegi azamat. Qala turǵyny saılaý ýchaskesine «Altyn adam» beınesinde sándelgen kostıýmmen kelip, merekelik kóńil-kúı syılap, jınalǵandardyń qyzyǵýshylyǵyn týdyrdy.
Almatyda «Búrkit» referendýmda óz tańdaýyn jasady
Aksııaǵa qatysýshynyń aıtýynsha, onyń tańdaýy eldiń bolashaǵyna óz úlesin qosýǵa degen umtylystan týyndaǵan.
«Men eń durys joldy tańdadym – óz elimniń bolashaǵyna beıjaı qaramaı, onyń damýyna belsendi qatysý. Meniń ata-babalarym da kezinde mańyzdy sheshimder qabyldaǵan, men olardyń amanatyna adal bolýǵa tyrysamyn. Búgin dál «Altyn adam» beınesin tańdaǵanym da kezdeısoq emes. Bul beıne halqymyzdyń tarıhyn aıshyqtap, jerlesterimniń boıynda maqtanysh sezimin oıatyp, ulttyq rýhty nyǵaıtady», dedi ol.
Osyndaı bastamalar daýys berý úderisine erekshe atmosfera syılap, óńir turǵyndarynyń azamattyq jaýapkershiliginiń joǵary ekenin kórsetedi. Kópshilik úshin referendýmǵa qatysý tek mańyzdy qoǵamdyq-saıası oqıǵa ǵana emes, sonymen qatar ulttyq dástúrler men mádenı muraǵa degen qurmetti bildirýdiń bir kórinisi boldy.
Prezıdent Qasym-Jomart Toqaev respýblıkalyq referendýmda daýys berdi