Oblys ortalyǵyndaǵy «Dostar» mádenıet úıinde ózgeshe kórinis el nazaryn aýdardy. Ertegi keıipkerleriniń kıimin kıgen kásibı anımatorlar daýys berýge kelipti, dep habarlaıdy Egemen.kz.
Saılaý ýchaskesinde daýys berý belgilengen tártip boıynsha ótkizilip jatyr. Ertegi keıipkerleri jeke kýálikterin kórsetip, bıýlleten alǵannan keıin daýys berý kabınasyna ótti. Tildeskenimizde olar ózderiniń kásibı jumystary men azamattyq boryshtaryn ushtastyra otyryp, kópshiliktiń kóńilin kóterýge nıettengendikterin aıtty.
«Biz halyqqa árdaıym qýanysh syılaımyz, búgin de sol mindetimizdi atqarýdamyz. Referendým – óte mańyzdy oqıǵa. Daýys berýge kelgender el bolashaǵyn aıqyndaýǵa tańdaý jasaı otyryp, bir serpilip qalsyn dep oıladyq. Al, bizdiń kostıýmderimiz asa mańyzdy iske eshbir bóget etpeıdi», deıdi Elza beınesindegi anımator.
Almatyda «Búrkit» referendýmda óz tańdaýyn jasady
Anımatorlardyń bul qadamyn daýys berýshiler durys baǵalap, alǵystaryn jetkizýde. Olar mundaı sátti tosqan da joq edi.
«Daýys berýge kelip edim, balalarymyz súıip kóretin ertegi keıipkerlerimen júzdesemin dep tipti de oılaǵan joqpyn. Munyń ózi ádemi kórinis boldy», deıdi qala turǵyny Arman Ibraev.
Batys Qazaqstanda «Jáńgir han» daýys berdi
Saılaý komıssııasy músheleriniń pikirinshe, mundaı bastamalar eshbir tártip buzbaıdy, qaıta daýys berýshilerdiń júzderin jarqyn etedi.
Kókshetaý