Referendým ýchaskeleri halyqaralyq talapqa saı jumys istep jatyr. Bul týraly Tájikstan Respýblıkasy Ortalyq saılaý jáne referendým komıssııasynyń tóraǵasy Bahtııor Hýdoıorzoda málimdedi, dep habarlaıdy Egemen.kz.
Sheteldik baıqaýshy Astana qalasy Ulttyq akademııalyq kitaphanasyndaǵy referendýmnyń №129 ýchaskesine baryp, eldegi jalpyulttyq naýqan barysyn baqylady.
– Biz Qazaqstan Respýblıkasy Ortalyq saılaý komıssııasynyń shaqyrýymen Konstıtýsııany qabyldaý jónindegi referendýmǵa daıyndyq jáne ony ótkizý barysyn baqylaý úshin keldik. Osy shaqyrý úshin Qazaqstan tarapyna alǵysymyzdy bildiremiz. Astanada bolǵan ýaqytta referendýmdy uıymdastyrý jáne ótkizý jumysynyń barysymen tanystyq. Búgin biz tikeleı daýys berý prosesin baqylap otyrmyz. Kórip otyrǵanymyzdaı, referendýmdy daıyndaý jáne ótkizý boıynsha aýqymdy ári júıeli uıymdastyrýshylyq jumys júrgizilgen. Ýchaskelik jáne aýmaqtyq komıssııa músheleri referendým ótkizýdiń barlyq kezeńderi boıynsha tıisti daıyndyqtan ótken. Bul Qazaqstan Respýblıkasy Ortalyq saılaý komıssııasynyń atalǵan saıası sharaǵa joǵary deńgeıde jáne jaýapkershilikpen qaraǵanyn kórsetedi, – dedi Tájikstan Respýblıkasy Ortalyq saılaý jáne referendým komıssııasynyń tóraǵasy.
Sondaı-aq ol óz sózinde qala turǵyndary bul kúnniń mańyzyn túsinip, belsendi qatysyp jatqanyn aıtty.
– Daýys berý quqyǵyna ıe Qazaqstan azamattary saılaý ýchaskelerine erkin ári óz múddelerimen kelip, eshqandaı kedergisiz daýys berip jatqanyn baıqadyq. Bul referendým ótkizýdiń negizgi qaǵıdattary – azamattardyń erkin erik bildirýi men ashyqtyq prınsıpteriniń saqtalyp otyrǵanyn aıǵaqtaıdy. Azamattardyń ýchaskelerge uıymdasqan túrde kelýi de referendýmǵa júrgizilgen sapaly daıyndyqtyń nátıjesi ekenin kórsetedi. Konstıtýsııany qabyldaý arqyly Qazaqstan halqy óz bolashaǵyn, ıaǵnı eldiń aldaǵy damý baǵytyn aıqyndaıdy. О́ıtkeni Konstıtýsııa – memlekettiń negizgi zańy jáne qoǵam damýynyń barlyq negizgi baǵyttaryn belgileıdi, – dedi Bahtııor Hýdoıorzoda.
Sóz sońynda sheteldik baıqaýshy Qazaqstan halqynyń birligi nyǵaıyp, elde árdaıym beıbitshilik pen turaqtylyq saqtalyp, memleketimiz odan ári damyp, órkendeı berýine tilektestik bildirdi.
Referendým: Túrkistan oblysynda týǵan kún ıesi alǵash ret daýys berdi
Aıta keteıik eldegi referendýmdy 38 memleketten kelgen 359 baıqaýshy baqylap otyr.
Mańǵystaýlyq jas jubaılar tańdaýyn jasady