Londondaǵy Kıngs-kolledjiniń ǵalymdary COVID-19 úshin vaksına jasaý qajet bolmaýy múmkin degen málimdeme jasady. Bul jaıynda "The Guardian" jazady.
Olaı aıtýlaryna sebep KVI-men aýyryp turǵandardyń barlyǵynda birdeı vırýsqa qarsy antıdenelerdiń túzilmeýi jáne qalyptasqan kúnniń ózinde onyń qysqa merzimge ǵana aǵzada saqtalyp, ári qaraı joıylyp ketýi bolǵan.
Kıngstik ǵalymdar COVID-19-dan saýyǵyp turǵan 90 adamǵa zertteý júrgizip, olardyń 60 paıyzynda vırýsqa qarsy turatyn antıdene qalyptasqanyn, al arada 3 aı ótkende olardyń 17 paıyzynda ǵana antıdene saqtalǵanyn, tipti keıbirinde vırýsqa qarsy turatyn dene múlde túzilmegenin anyqtaǵan. Bul degenimiz-KVI-men bir aýyryp turǵan adamnyń araǵa biraz ýaqyt salyp qaıtadan juqtyryp, oǵan shaldyǵýy múmkin degen sóz. Sondaı-aq, álem ǵalymdarynyń COVID-19-ǵa qarsy vaksına jasaý jolyndaǵy eńbegine de kúmán týdyrǵan zertteý qortyndysy ekenin aıta ketken jón.