Túrine qarasań ony alaıaq dep aıtpas ta ediń. Aýzynan sózi, qoınynan bózi túsip turǵan bir doǵal mujyq. Osy túrimen ol Petropavldyń birneshe turǵynynyń senimine kirip, 60 myńnan 700 myń teńgege deıingi qarajatyn aldaý jolymen sińirip ketken.
Polısııaǵa aldymen shaǵynǵan adam onyń ózin qurylys mıaterıaldaryn arzanǵa túsirip beremin dep, aqshasyn alyp, aldap ketkenin aıtady. Sonymen birge úılerge plastıkalyq terezeler ornatamyn dep aldap, aldyn ala tólegen aqshasyn qaqshyp ketken.
Taǵy bir petropavldyq benzınniń arzan talondaryn túsirip beremin degenge aldanǵan. Aqshasyn alǵan soń mynaý qarasyn batyrǵan. Taǵy bireýdi mashınańa arzan dóńgelek alyp beremin dep aldaǵan. Bárinen de aldyn ala aqsha alyp otyrǵan. Búgingi deıin oǵan aldanǵan adamdar sany beseýge jetip otyr. Biraq polısııa qyzmetkerleri tergeý barysynda taǵy da belgisiz adamdar qosylatyn shyǵar dep oılaıdy.
Qazir kúdiktiniń ústinen qylmysty is qozǵalyp, tergeý júrgizilýde. Ol 1983 jyly týǵan Petropav qalasynyń turǵyny. Buryn sottalǵan. «Barlyq qylmysyn kúdikti túrli shemalarmen jasaǵan. Biraq bárine ortaq bir is – adamdardyń arzan zattarǵa qol jetkizýdi kózdep, shala tanyǵan adamǵa senim kórsetkendigi bolyp otyr», deıdi Petropavl PB Tergeý bólimi bastyǵynyń orynbasary Nurjan Omarov.