Mamandar qymyzdyń ımmýnıtetti kóteretinin, sondyqtan álemdi dúrliktirip jatqan koronavırýsqa qarsy sharanyń biri osy qazaqtyń ulttyq sýsyny ekenin aıtýda. Saýmaldyń óz qasıeti, ashyp úlgermegen qymyzdyń óz áseri, ashyǵan qymyzdyń óz ereksheligi baryn da eskertýde.
Qymyzdyń qudiretin jaqsy biletin Tóle bı aýdanynyń Jastar resýrstyq ortalyǵy mamandary men eriktileri aýrýhanada jatqan naýqastarǵa 300 lıtr saýmal-qymyz ben áleýmettik jaǵdaıy tómen otbasylarǵa dári taratty.
Aýdandyq Jastar resýrsttyq ortalyǵynyń basshysy Perdebek Serjanuly: «Dertke dárý, janǵa shıpa bolsyn dep saýmal jáne qymyz tarattyq. Qazir úsh aýrýhanada 123 naýqas bar eken, árqaısysyna úlestirdik. Aldaǵy ýaqytta da osy úrdisti jalǵastyrmaq nıetimiz bar. О́ıtkeni em retinde júıeli paıdalaný naýqasqa oń áser etedi dep senemiz», deıdi. Sonymen qatar demeýshilerdiń qoldaýymen 500 dana parasetomol dárisi aýdan ortalyǵyndaǵy dárihanalar aldynda turǵyndarǵa tegin taratyldy. Onyń 100 danasy Leńgir qalalyq aýrýhanasyna berildi.
Al Sozaq aýdanynda jergilikti kásipker Bazarbaı Nurlanov aýrýhanaǵa 2 tynys alý apparatyn syılady. Bul ottegi konsentratory Sholaqqorǵandaǵy ortalyq jáne Taýkent kentindegi aýrýhanalarǵa tabys etildi. Sondaı-aq Saıram aýdanynyń kásipkerleri 5 mln teńge kóleminde qarjy jınap, onyń 3,5 mln teńgesine 19 «Bobrov» medısınalyq tynys alý qurylǵylaryn satyp alǵan. О́kpe qabynýyna, koronavırýs indetine shaldyqqan naýqastarǵa asa qajetti qurylǵylar aýdandyq ortalyq aýrýhanalarǵa ornatyldy.
Túrkistan oblysy