Ispanııa La Lıgasynyń 37-týr matchtarynan keıin el chempıonatynda top jarǵan komanda belgili boldy. О́z alańynda «Vılıarreal» klýbyn qabyldaǵan Madrıdtiń «Real» komandasy 2:1 esebimen jeńiske jetip qana qoımaı, birinshilik aıaqtalýyna bir týr qalǵanda Ispanııa chempıony atandy.
Bul Koroldik klýbtyń tarıhtaǵy 34-shi, bas bapker Zıdan basshylyǵyndaǵy ekinshi jeńisi. «Vılıarrealǵa» qarsy ótken kezdesýde «Real» shabýylshysy Karım Benzema 29 jáne 77-mınýtta dýbl avtory atandy. Al qonaqtardan 83-mınýtta Vısente Iborra bir golmen jaýap qaıtardy. «Realdyń» bıylǵy maýsymda chempıon atanýy Benzemanyń kóp eńbegi sińdi. Fransııalyq fýtbolshy bir maýsymda 21 márte mergendigimen kózge tússe, 8 márte áriptesteriniń gol soǵýyna múmkindik jasady.
Chempıondyq básekede «Realdyń» negizgi qarsylasy sanalǵan «Barselona» «Kamp Noý» stadıonynda kútpegen jerde «Osasýna» klýbynan 2:1 esebimen jeńilip qaldy. Bul jeńilisten soń Seten komandasy 79 upaımen 2-orynda qalyp qoıdy.
Eske sala keteıik, «Real» klýby sońǵy ret Ispanııa chempıonatynda 2016/2017 jylǵy maýsymda jeńiske jetken edi.