Keshe munaıly óńirdegi halyqaralyq áýejaıdan ushqan AN-12 ushaǵynan qara tútin kórindi. Bul týraly áleýmettik jelide jarııalanǵan vıdeodan belgili boldy, - dep jazady Egemen.kz
Osyǵan oraı Atyraý halyqaralyq áýejaıynyń ınjenerlik-avıasııalyq qyzmetiniń bastyǵy Andreı Kım túsinik berdi. Onyń málimetinshe, keshe tústen keıin áýejaıdan AN-12 júk ushaǵy ushypty.
"Ushý rejıminde qospanyń ádettegi baıytylýy oryn alady. Sonyń nátıjesinde shyǵaryndy paıda bolady. Bul – qalypty jaǵdaı, keńestik kezeńde shyǵarylǵan ushaqtyń barlyǵynda bar. Ushaq bıikke kóterilip, nomınaldy rejımge túskennen keıin, qara tútin joǵalady. Sondyqtan, alańdaýǵa esh sebep joq", - dedi Andreı Kım.