Túrkistan oblysynyń polıseıleri dári-dármekterdi joǵary baǵamen satýdyń kezekti faktilerin anyqtady. Bul týraly Polisia.kz habarlaıdy, dep jazady Egemen.kz
Túrkistan oblysynyń polıseıleri karantın kezinde joǵary suranysqa ıe dárilik zattardy satý faktilerin anyqtaý boıynsha kezekti reıdke shyqty. Kún saıyn polıseıler, densaýlyq saqtaý jáne jergilikti organdar ókilderinen turatyn mobıldik toptar negizsiz joǵary baǵamen dári-dármekterdi zańsyz satýdyń jolyn kesý boıynsha monıtorıng pen reıdtik is-sharalardy júzege asyrady. Budan bólek, mobıldik toptar karantın kezinde betperdelik rejımin jáne basqa da sanıtarlyq qaýipsizdik normalaryn saqtaý úshin profılaktıkalyq jáne túsindirý jumystaryn júrgizedi.
Mysaly, Arys aýdanynda mobıldik top dárihanalardyń birin tekserý kezinde birqatar zań buzýshylyqtardy anyqtady. Bul dárihana sanıtarlyq normalardy saqtamaǵan, talapqa saı kelmeıdi, azyq-túlik dúkenimen bir ǵımaratyń ishinde ornalasqan. Dárihana qyzmetkeri dári-dármekter tıisti lısenzııasyz satqan. Tekserý barysynda mobıldik top satýshydan 400-ge jýyq oramnan 140 túrli dári-dármek tárkiledi.
Sol kúni Arys aýdandyq polısııa bólimine jergilikti dárihanalardyń birinde dári-dármekterdi joǵary baǵamen satatyny týraly habarlama kelip tústi. Tekserý barysynda dárihananyń satýshysy "Novıgan Neo" jáne "Nımesýlıd" dárilerin joǵary baǵamen satqany anyqtaldy. Barlyq jınaqtalǵan materıaldar tıisti sheshim qabyldaý úshin QR Densaýlyq saqtaý mınıstrliginiń taýarlar men qyzmetterdiń sapasy men qaýipsizdigin baqylaý komıtetine jiberiledi.
Saryaǵash aýdanynyń polısııa bólimine Saryaǵash qalasynda belgisiz adamdar dári-dármekterdi joǵary baǵamen satatyny týraly habarlama túsken. Jedel-izdestirý is-sharalaryn júrgizý barysynda, jergilikti turǵynnyń "Meropenemniń" 50 qaptamasyn tıisti qujatsyz 590 myń teńgege satyp jatqan jerinen ustady. Tártip saqshylary aıǵaqty zattardy tárkilep alyp, jigitti polısııa bólimine jetkizdi. Atalǵan jaıt Saryaǵash aýdandyq polısııa bólimine tirkelip, tekserý júrgizilýde.
Tártip saqshylary Maqtaaral aýdanynda taǵy bir dári-dármekterdi joǵary baǵamen satý oqıǵasyn anyqtady. Polısııaǵa jergilikti turǵyn Atakent kentindegi dárihanada dári-dármekterdi belgilengen baǵadan qymbat satyp jatqany týraly aryzdanǵan. Polısııa qyzmetkerleri dárihana qyzmetkeri "askorbın qyshqylynyń" eki býmasyn 1400 teńgeden satqanyn anyqtady (belgilengen baǵasy – 700 teńge). Jınaqtalǵan materıaldardy polıseıler zańdy sheshim qabyldaý úshin Túrkistan oblysy boıynsha farmasevtıkalyq baqylaý bólimine joldady.
Túrkistan oblysynyń polıseıleri turǵyndarǵa karantın men betperdelik rejimin saqtaý qajettiligi týraly eskertedi. Sondaı-aq áleýmettik qashyqtyqty ustap, úıden shyqpańyzdar. Koronavırýstyq ınfeksııanyń taralý qaýpine baılanysty karantın erejelerin buzbańyzdar. О́zińizdi jáne jaqyndaryńyzdy saqtańyzdar!