Qalanyń barlyq turǵyndary memlekettik baǵdarlamaǵa turǵylyqty jeri boıynsha tirkeýmen de, tirkeýsiz de qatysa alady.
Búgingi tańda «Jumyspen qamtýdyń jol kartasy-2020» baǵdarlamasy aıasynda 107 ınfraqurylym nysanynda jumystar júrgizilýde. Qol eńbegine suranys joǵary. «Jumys kúshiniń tapshylyǵy, mamandar jetispeýshiligi baıqalýda. Jumyspen qamtýdyń jol kartasy arqasynda kelisimge qol qoıyldy. Qazir jumyspen qamtý ortalyǵy bizge dánekerleýshilerdi, elektrıkterdi, jalpy jumysshylardy jiberýde. Biz olardy osy baǵdarlama boıynsha jumysqa alamyz», deıdi ASTI kompanııasynyń ınjeneri Rýslan Zýlpıkarov.
Elektrık Maksım Veselkov uzaq ýaqyt jumys taba almaǵanyn aıtady. Dostary oǵan jumyspen qamtý ortalyǵyna habarlasýǵa keńes bergen. Ol ortalyqta jumyssyzdyq boıynsha tirkeýge alyndy. «Biraz ýaqyttan keıin olar maǵan qońyraý shalyp, osynda jumys isteýdi usyndy. Maǵan jumys sharttary unady, medısınalyq tekseristen ótip, qujattardy tapsyrdym. Qazir elektrık bolyp jumys isteımin. Maǵan jumys unaıdy, jalaqym ýaqtyly. Arnaıy jumys kıimi berildi», deıdi M. Veselkov.
«Elordada Jumyspen qamtýdyń jol kartasy (JQJK) sátti iske asyrylýda. Búginde 3929 adam jumyspen qamtyldy. 94 uıymmen nıet hattamalary jasaldy. Qazirgi ýaqytta JQJK-da 3 myńnan astam bos jumys orny bar», dep habarlady elordanyń Jumyspen qamtý ortalyǵy.
«Qurylys kompanııasy retinde biz úshin Jol kartasy úlken kómek. Búginde biz 70-ten astam adamdy jumyspen qamtyp otyrmyz jáne munymen toqtap qalmaımyz. Bizdiń jumysymyz odan da kóp jumys kúshin kerek etedi, shamamen 80 adam qajet. Osy múmkindikti paıdalanyp, jumysqa muqtajdardyń barlyǵynan jumyspen qamtý ortalyǵyna habarlasýdy suraımyz. Biz qurylys jumystarynda buryn-sońdy istemegenderdi de oqytyp, kásibı baǵdar beremiz. Qazir olar da tabysty jumys jasaýda», dedi R.Zýlpıkarov. Elordanyń barlyq turǵyny turǵylyqty jeri boıynsha tirkeýmen de, tirkeýsiz de JQJK memlekettik baǵdarlamasyna qatysa alady. Anyqtamalyq aqparatty biryńǵaı baılanys ortalyǵynyń 57 88 88 nemese 8776 146-28-62, 8747-108-21-96, 57-88-89, 72-93-62, 57-89-37 telefondary arqyly alýǵa bolady.