Qurmetti otandastar!
Barlyq musylman qaýymy men qazaqstandyqtardy qasıetti Qurban aıt merekesimen shyn júrekten quttyqtaımyz!
Aıtýly meıram – eldiń yntymaq-birligin kúsheıtip, qaıyrymdylyq qasıetterdi, dostyq qarym-qatynastardy arttyrady. Baýyrlastyq pen qamqorlyq tanytýǵa úndeıdi, tatýlyqty tý etken túrli etnostardy birtutastyqqa jumyldyryp, konfessııaaralyq qatynastardy nyǵaıtady. Aýyzbirshilik pen kelisimge shaqyrady. Kembaǵaldarǵa qamqorlyq pen qoldaý kórsetilip, izgi amaldar jasalady.
Qazaqstan halqy Assambleıasy aıt kúnderi respýblıkalyq deńgeıde «Myń alǵys» qaıyrymdylyq aksııasyn qolǵa almaq. Barlyq etnomádenı birlestikter men QHA qurylymdary koronavırýspen kúresip, alǵy shepte jumys atqaryp júrgen aq halatty abzal jandarǵa jáne olardyń otbasyna kómek kórsetip, rızashylyq bildiredi.
Ulyq merekede barlyq qazaqstandyqtarǵa zor densaýlyq, tolaǵaı tabys, mol baqyt pen sáttilik tileımiz.
Qurban aıt árbir shańyraqqa yrys-qut, baq-bereke, aman-saýlyq ala kelsin!
Qazaqstan halqy Assambleıasy