GRÝZIIаMEN ÁRIPTESTIK NYǴAIа TÚSPEK

Keshe Úkimet úıinde Qazaqstan Premer-Mınıstri Kárim Má­si­mov Grýzııa Premer-mınıstri Nıkoloz Gılaýrımen kezdesti. Eki el delegasııasy arasynda júrgizil­gen kelissózder qorytyndysy boı­ynsha Qazaqstannyń Qarjy rynogy men qarjy uıymdaryn ret­teý jáne qadaǵalaý agenttigi men Grýzııanyń Ulttyq banki ara­synda ózara túsinistik týraly me­morandýmǵa qol qoıyldy. Oǵan Qa­zaqstan tarapynan agenttik tór­aıymy Elena Bahmýtova, al Grýzııa tarapynan Ulttyq bank tóraǵasy Georgıı Kadagıdze qol qoıdy. Qazaqstan men Grýzııa ara­syndaǵy dıplomatııalyq qarym-qa­tynas 1992 jyldan bastaý ala­dy. Osyǵan deıin eki el arasynda túrli baǵyttarda  50-den astam eki­jaqty qujattarǵa qol qoıylǵan. Degenmen, ekijaqty resmı dıp­lo­matııalyq yntymaqtastyqty ret­teı­tin qujat negizi 1993 jyly sol kezdegi Grýzııa basshysy E.She­var­dnadzeniń elimizge resmı sapary barysynda qol qoıylǵan Qazaq­stan jáne Grýzııa respýblıkalary arasyndaǵy ózara qarym-qatynas týraly kelisim bolyp tabylady. 2008 jyly Grýzııa men Qazaq­stan arasyndaǵy taýar aınalymy 67,2 mln. dollardy quraǵan kóri­ne­di. Onyń ishinde el ekspor­ty­nyń kólemi 49,7 mln.dollardy kórsetse, Grýzııa elinen keletin eksport kólemi 17,3 mln.dollardy qurapty. Bizdiń elimizden negizinen bıdaı eksporttalatyn bolsa, Grýzııadan keletin ónimder tizimi jıhaz, metallýrgııalyq, máshıne jasaý, hımııalyq jáne azyq-túlik ónimderinen, túrli ferroqorytpalardan turady. Qol qoıý rásiminen soń elimiz Premer-Mınıstri Kárim Má­si­mov kelissóz barysynda ekijaqty qarym-qatynas máselelerimen qatar, Qazaqstan bıdaıy úshin Grýzııa jerinde arnaıy termınal salý máselesiniń de talqylan­ǵa­nyn jetkizdi. Grýzııa Úkimet bas­shy­synyń aıtýynsha, bul Qazaq­stanǵa osy taýar túrin ártarap­tandyrýǵa múmkindik bermek. Ústimizdegi jyldyń jazynda, atap aıtsaq, tamyz-qyrkúıek aı­larynda Qazaqstan Úkimetiniń delegasııasy osy máselelerdi pysyqtaý úshin baratyn bolady. Venera TÚGELBAI.