BUU UNCTAD (IýNKTAD) Saýda jáne damý jónindegi konferensııasynyń dırektory Pamela Koýk-Gamılton qorshaǵan ortanyń lastanýy pandemııa tusynda kúsheıip ketkenine mazasyzdanatynyn bildirdi.
«Indet taralmaı turyp ta tabıǵatty plastık qaldyqtarymen lastaýdan planetamyzǵa qaýip kóp edi. Al pandemııa tusynda aýa gazdan tazarǵanymen, tabıǵat tazalyǵy syn kótermeıtin kúıde», deıdi ol. Oqshaýlanǵan adamdardyń úıine taýarlar men taǵamdarǵa tapsyrys bergen kezinde ony plastık ydystarǵa salyp aparý jaǵdaıdy odan saıyn aýyrlatyp jiberdi. BUU sarapshylarynyń paıymdaýynsha, plastmassa qaldyqtarynan tabıǵatqa tıetin zalal
40 mlrd dollardy quraıdy.
«Grand View Research» konsaltıng kompanııasy júrgizgen esepke qaraǵanda bir ret qoldanylatyn medısınalyq tumsha 2019 jyly 800 mln bolsa, bıyl onyń sany 166 mlrd danaǵa ulǵaıǵan.
Uıym osy tumshalardyń beıbereket shashylyp qalýynyń da qorshaǵan ortaǵa teris yqpaly barlyǵyna toqtalǵan. Shynynda da, kóshelerde shashylyp jatqan betperdeden aıaq alyp júre almaıtyn boldyq.