Qarjylyq monıtorıng agenttigi Qazaqstanda sırek kezdesetin aýrýǵa arnalǵan preparattardy jetkizý kezinde baǵany qoldan kóterý jáne qarjy shyǵarý shemasyn anyqtady. Keltirilgen shyǵyn 3,7 mlrd teńgeni qurady, dep habarlaıdy Egemen.kz
Tergeý málimetinshe, «Interfarmservıs» kompanııasy bes jyl boıy Dıýshenn bulshyqet dıstrofııasyn emdeýge arnalǵan dárilerdi jetkizip kelgen. Alaıda kompanııa basshylyǵy BAÁ-de tirkelgen affılırlengen fırmany paıdalanyp, preparattardyń baǵasyn jasandy túrde ósirgen.
Saq bolyńyz: Alaıaqtar medısına qyzmetkeri retinde habarlasa bastady
Osy shema arqyly 4 mlrd teńgeden astam qarjy qolma-qol aqshaǵa aınaldyrylyp, 637 mln teńgeden astam salyq tóleýden jaltarylǵan. Kúdiktiler zańsyz tabysqa satyp alynǵan 32 páter, 11 kólik jáne 8 turǵyn úıge ıe bolǵan, atalǵan múlikke tyıym salyndy.
Qazirgi ýaqytta úsh kúdiktige qatysty bultartpaý sharalary qoldanylyp, is materıaldarymen tanysý júrip jatyr.
Nurbolat AMANBEK