Keshe BAÁ-niń áýe shabýylyna qarsy qorǵanys kúshteri Iran aýmaǵynan ushyrylǵan 12 ballıstıkalyq zymyrandy, 3 qanatty zymyrandy jáne 4 ushqyshsyz apparatty joıǵan. Sonyń saldarynan úsh adam ortasha aýyrlyqtaǵy jaraqat alǵan, dep jazady Egemen.kz.
Birikken Arab Ámirlikteriniń Qorǵanys mınıstrligi zymyrandar men ushqyshsyz ushý apparattarynyń shabýyldary aıasynda kez kelgen qaýip-qaterge toıtarys berýge tolyq áskerı daıyn ekenin málimdedi. Osy mazmundaǵy habarlama vedomstvonyń H áleýmettik jelisindegi resmı paraqshasynda jarııalanǵan.
Iran tarapynan jasalǵan ashyq shabýyldar bastalǵaly beri BAÁ-niń áýe qorǵanys júıeleri jalpy sany 549 ballıstıkalyq zymyrandy, 29 qanatty zymyrandy jáne 2260 ushqyshsyz ushý apparatyn joıǵan. Soqqylardyń saldarynan zardap shekkenderdiń jalpy sany – 227 adamǵa jetken, olardyń qatarynda túrli elderdiń azamattary da bar.
Qazaqstanda jol sapasyn drondar baqylaıdy
Resmı derek boıynsha, áskerı qyzmetshiler arasynda 3 adam qaza tapqan. Olardyń biri qarýly kúshtermen kelisimshart negizinde jumys istegen azamattyq qyzmetker bolǵan. Al beıbit turǵyndar arasyndaǵy qurbandar sany 10 adamǵa jetken.
BAÁ Qorǵanys mınıstrligi málimdemesinde eldiń qaýipsizdigine nuqsan keltirýge baǵyttalǵan kez kelgen áreketke qatań qarsy turatyny aıtylǵan. Vedomstvo ózderiniń tolyq áskerı daıyndyqta ekenin, memlekettiń egemendigin qorǵaý, qaýipsizdik pen turaqtylyqty qamtamasyz etý, sondaı-aq ulttyq múddelerdi saqtaýǵa bar kúshin salatynyn jetkizdi.
Aqtóbe oblysynda belgisiz dron bólshekteri tabyldy