Nur-Sultan qalasynyń ákimi Altaı Kólginov QMDB Tóraǵasy, Bas múftı Naýryzbaı qajy Taǵanulyn Qurban aıtpen quttyqtap, hat joldady. Bul týraly QMDB baspasóz qyzmetine silteme jasaı otyryp Egemen.kz habarlaıdy.
"Qurban aıt – Islamdy jaqsylyqtyń, jasampazdyq pen úılesimdiliktiń dini ekenin pash etip, kúlli musylman qaýymyn beıbitshilik pen tatýlyqqa, ózara túsinistikke shaqyratyn qasıetti meıram. Osy qasıetti merekede jasaǵan ıgi isterińiz qoǵamnyń órkendeýine úlesin qosyp, elimizdiń odan ári turaqty jáne senimdi damýynyń kepili bolatyny anyq", delingen quttyqtaý hatta.