Inder aýdanynda polısııa kapıtany adasyp qalǵan balany taýyp alyp, ata-anasyna tabystady. Bul týraly Polisia.kz-ke silteme jasaı otyryp Egemen.kz habarlaıdy.
Aýdan ortalyǵyndaǵy Shoqan Ýálıhanov mektebi mańaıynda adasyp, jylap júrgen balany baıqap qalǵan polıseı Altynaı Izmuhanova oılanbastan, balanyń janyna baryp, jubatyp, aınaladan surastyra júrip, bólimge ertip kelip, oqıǵany basshylarǵa baıandaıdy.
5-6 jastaǵy baldyrǵannyń týystaryn anyqtaý jumystaryna bólim qyzmetkerleri túgeldeı jumyldyryldy. Kóp uzamaı kishkentaı Shyńǵystyń turǵylyqty jeri men ata-anasy týraly aqparattar anyqtaldy. Balalaryn óz betterimen izdep tappaǵan soń, polısııaǵa habarlasaıyn dep otyrǵandaryn aıtyp, Shyńǵystarynyń aman-saý tabylǵanyna qatty qýanyp, polısııa qyzmetkerlerine alǵystaryn jaýdyrdy.