Búkilálemdik taekvondo federasııasy sportshylardyń tamyz aıyndaǵy reıtıngin jańartty, dep habarlady UOK baspasóz qyzmeti.
Halyqaralyq uıym 1 tamyzda taekvondoshylardyń Olımpıada reıtıngin jańartyp, ózgeris engizdi. Jańartylǵan reıtıngke sáıkes, qazaqstandyq eki taekvondo sportynyń sheberi úzdik 16 sportshynyń qatarynan kórindi.
Atap aıtar bolsaq, 80 kılodan joǵary salmaqta óner kórsetetin Smaıyl Dúısebaı 182,44 upaımen úzdikter sanatynyń 13-satysynda tur. Qandasymyz – jazǵy Ýnıversıada oıyndarynyń kúmis, birqatar halyqaralyq dodalardyń júldegeri. Al Rıo Olımpıadasynda elimizdiń kók baıraǵyn ustap shyqqan Rýslan Japarov 171,16 upaımen 14-orynǵa jaıǵasqan.