Jańa jáne eski avtokólikter qaı óńirde kóp?

Ulttyq ekonomıka mınıstr­ligi Statıstıka komıtetiniń belgi­leýi boıynsha, bıyl 1 maý­symda elimizde 3 mln 884,4 myń jeńil avtomashına tir­ke­l­gen. Bul 2019 jyldyń osy taq­y­lettes kezeńimen salystyrǵanda (3774,9 myń birlik) 3%-dan astam kórsetkish. Zerdeleý barysynda eldegi kólikterdiń basym kópshiligin zaýyttan shyq­qanyna 10 jyldan asqan kólik quraldary qurady – 65% (2 537 083 birlik). Shyǵarylǵan ýaqyt 7-10 jyl aralyǵyndaǵy kólikterdiń jalpy sany 6%-dy quraıdy (248 696 birlik). Sondaı-aq 3 jyldan 7 jylǵa deıingi temir tulpar úlesi – 15,2% (592 249) bolsa, sońǵy úsh jylda shyǵarylǵan kólikterge 11% (425 222) tıesili.

Statıstıka komıtetiniń málimetterine sáıkes, Freedom Finance Insurance mamandary jańa avtokólikterdi jıi kez­destirýge bolatyn aýmaq­tar­dy, sonymen qatar eski avto­ma­shınalary eń kóp óńir­lerdi aıqyndady. Bul reıtıng­ter tirkelgen jeńil avtomashına­lardyń jalpy sanyna qatysty paıyz ben jas shamasyna sáıkes qurastyrylǵan.

Osylaısha zaýyttan shyǵa­ryl­ǵanyna, ıaǵnı jas shamasy 3 jyldan aspaıtyn avto­kólik sany basym 5 aýmaq topta­masynyń eń tómengi satysynda Aqmola, Shyǵys Qazaqstan, Batys Qazaqstan, Mańǵystaý jáne Aq­tóbe oblystary endi. Jańa avtokólik sany bul óńir­lerde jas shamasyna sáıkes, kólik quraldarynyń jalpy sanynyń 4%-yn quraıdy. Al 4 oryndy Almaty jáne Qostanaı ob­lys­tary bólisti – 5%. 3-oryn Qara­­ǵandy jáne Atyraý oblys­tarynda – 6%. 2-oryn Nur-Sultan qalasyna berildi, jańa avto­nyń jalpy sanyndaǵy elor­danyń úlesi 14%-dy quraıdy. Atalǵan reıtıngtiń úzdigi Almaty qalasy bolyp shyqty. Alyp shaharda tirkelgen kólik quraldarynyń sany – 73 525, ıaǵnı jas shamasy 3 jyldan kem kólikterdiń úlesi – 17%.

Paıdalanylǵanyna 10 jyldan asqan kólik sany boıynsha respýblıkadaǵy bestiktiń sońynda Jambyl oblysy (7%) tursa, 4-orynda Qaraǵandy oblysy – 8%. Al úzdikter úsh­tigin úlesi 9%-dy quraıtyn Shy­ǵys Qazaqstan oblysy ashady. Ekinshi oryndaǵy Almaty qa­lasyna eski kólikterdiń 10%-y tıesili. Eski kóligi eń kóp óńir retinde Almaty oblysy tanyldy. Munda zaýyttan shyqqanyna on jyldan asqan 392 160 jeńil kólik quraly tirkelgen, bul óńirdegi kólikterdiń jalpy sanynyń 15%-yn quraıdy.

Al 3 jáne 7 jyl aralyǵyn­daǵy avtokólik sany boıyn­sha eń kóbi Almaty (15%) jáne Nur-Sultan qalalarynda (11%) tirkelse, eń azy Túrkistan, Soltústik Qazaqstan jáne Jam­byl oblystarynda – 2%.

Sonymen qatar Almaty qala­­syn­daǵy jas shamasy 7-10 jyl aral­yǵyndaǵy eń kóp je­ńil avto­mashınalar sany aı­qyn­­dal­dy, bul jas shamasyna sáı­kes jalpy sannyń 18%-yn qu­raıdy. Atalǵan sanat­ta­ǵy kó­lik­terdiń eń az sany Túrkis­tan ob­lysynda – bar bolǵany 2%.