Jyldam taralǵan COVID-19 indeti álemniń túkpir-túkpirine áser etti. Osy oraıda álemdik aýqymdaǵy kóptegen kompanııa pandemııaǵa qarsy kúsh jumyldyryp jatyr. Qazaqstandaǵy munaı men gazdyń iri óndirýshileriniń biri retinde NCOC kompanııasy indettiń aldyn alý boıynsha arnaıy sheshim qabyldaǵan edi. Bul sheshimniń nátıjesinde kompanııa elimizde eń birinshi bolyp, COVID-19 indetiniń taralýyna jol bermeýge baǵyttalǵan kóptegen naqty shara engizgen kásiporyndardyń qataryna kirdi.
15 naýryzda tótenshe jaǵdaı jarııalanǵannan keıin NCOC birden óz qyzmetkerlerin jalaqysyn saqtaı otyryp, qashyqtan jumys isteý tártibine aýystyrdy. Bul indettiń taralýyn báseńdetýge baǵyttalǵan áleýmettik qashyqtyq saqtaý sheńberinde qabyldanǵan ýaqytsha shara boldy.
NCOC kompanııasy úshin adamdardyń densaýlyǵy, qaýipsizdigi jáne ál-aýqatyn qorǵaý – qyzmetkerleri jáne merdigerler personaly úshin joǵary qundylyq. Osy qaǵıdany basshylyqqa ala otyryp, kompanııa óziniń óndiristik alańdary úshin 90 kúndik oqshaýlaý tujyrymdamasyn ázirledi. Bul óndiristik nysandarda jumys isteıtin óndiristik personaldyń jumys alańdaryna barar aldynda indettiń aldyn alý úshin oqshaýlaý kezeńinen ótý jospary boldy. Aıta ketetini, NCOC kompanııasy Atyraý qalasynda COVID-19-ǵa qatysty ekspress-testin birinshi bolyp engizdi. О́ndiristik alańdaǵy negizgi personal 14 kúnnen aspaıtyn oqshaýlaý kezeńinen keıin óndiristik alańǵa barar aldynda COVID-19-ǵa qatysty PTR ádisimen zerthanalyq tekserýden ótedi.
Sonymen qatar NCOC kúdikti nemese rastalǵan COVID-19 jaǵdaıy anyqtalǵan kezde qoldanatyn mindetter men jaýapkershilikteri anyqtalǵan arnaıy is-áreket josparyn ázirledi. Kompanııa óz qyzmetkerlerine qoldaý kórsetý sharalary sheńberinde koronavırýs ınfeksııasy tarala bastaǵan alǵashqy aılarda Atyraý, Aqtaý jáne Nur-Sultan qalalaryndaǵy qyzmetkerlerine bir rettik medısınalyq maskalar taratty. Bul rette qyzmetkerlerdiń otbasylary túgel maskamen qamtyldy. Osylaısha kompanııa óz qyzmetkerleri men olardyń otbasy músheleriniń densaýlyǵy men ál-aýqaty mańyzdy ekendigin taǵy bir márte dáleldedi.
Álemdik pandemııanyń kesiri densaýlyq saqtaý júıelerine aýyr tıdi. NCOC kompanııasy jergilikti aýrýhanalardyń áleýetin qoldaý jáne koronavırýs ınfeksııasynyń taralýyna jol bermeý úshin qabyldanǵan sharalardy júzege asyrý maqsatynda jergilikti organdarmen, úkimetpen jáne basqa da seriktestiktermen tyǵyz qarym-qatynasta jumys istedi.
Naýryz aıynan bastap NCOC kompanııasy Atyraý jáne Mańǵystaý oblystarynyń densaýlyq saqtaý júıelerin óte mańyzdy da qajetti medısınalyq jabdyqtarmen qamtamasyz etýde. Atap aıtqanda, kompanııa COVID-19 juqtyrǵan naýqastar emdelip jatqan Atyraý oblystyq juqpaly aýrýlar aýrýhanasyna zamanaýı qarqyndy terapııa kórsetýge arnalǵan jabdyqty jetkizdi. Onyń ishinde balalar men eresekterge arnalǵan ókpeni jasandy jeldetýge arnalǵan apparattar, EKG jáne yntalandyrý fýnksııasy bar defıbrıllıatorlar, kópfýnksıonaldy kereýetter, portatıvti ýltradybystyq apparat, túrli analızatorlar, monıtorlar jáne taǵy da basqa kóptegen zat bar. Aıta ketetin jaı, atalǵan jabdyqtar jetkizilgen juqpaly aýrýlar aýrýhanasy 2016 jyly NCOC kompanııasynyń áleýmettik jáne ınfraqurylymdyq jobasy aıasynda Atyraý qalasynda salynǵan. Qazir bul – aımaqtaǵy shuǵyl medısınalyq kómek kórsetýdiń basty mekemesi.
Buǵan qosa myńdaǵan shyǵyndyq materıaldar (endotrahealdy tútikter, orofarıngealdy tynys alý joldary, defıbrıllıatorly elektrod), ınfeksııadan qorǵaný quraldary (zararsyzdandyrýǵa arnalǵan dıspenserler, shyntaqtyq dozatorlar, ózi syǵylatyn shvabrasy bar shelekter) birqatar oblystyq medısınalyq uıymdarǵa berildi. Sondaı-aq NCOC kompanııasy arnaıy shaqyrǵan brıtandyq qarqyndy terapııa dárigeri COVID-19 juqtyrǵan naýqastardy qarqyndy emdeý boıynsha jergilikti dárigerler úshin turaqty túrde oqý kýrstaryn, semınarlar men keńester ótkizedi.
Mańǵystaý oblysynda NCOC kompanııasy jedel medısınalyq járdem bólimine úsh jedel medısınalyq kómek kóligin syıǵa tartty jáne aımaqtaǵy medısınalyq mekemelerge ómir úshin mańyzy zor jabdyqtardy usyndy. Bul – tek ókpeni jasandy jeldetýge arnalǵan apparattar, kópfýnksıonaldy kereýetter, epıdemııaǵa qarsy qorǵaný jıyntyqtary, defıbrıllıatorlar ǵana emes, sondaı-aq medısınalyq qyzmetkerlerge arnalǵan dezınfeksııalaý men jeke saqtandyrý quraldary. Medısınalyq qurylǵylar men quraldardyń taǵy bir bóligi jaqyn arada jetkiziledi.
Osylaısha NCOC kompanııasynyń qoldaýymen aımaqtyq densaýlyq saqtaý uıymynyń áleýeti aıtarlyqtaı ósti. Maýsymdaǵy jaǵdaı boıynsha barlyq satyp alynǵan jáne syıǵa tartylǵan taýarlar men kórsetilgen qyzmetterdiń jalpy somasy 2,5 mlrd teńgeni qurady.
Densaýlyq saqtaý júıesine kómekten tys NCOC kompanııasy memlekettik organdarmen ýaǵdalasa otyryp, balalarǵa onlaın bilim berýdi qoldaý maqsatynda artyq kompıýterler jetkizip, jergilikti mektepterge kómek kórsetti. Kompıýterler Atyraý qalalyq bilim basqarmasyna muqtaj otbasylarǵa taratylý úshin jetkizildi. Jalpy alǵanda, Kompanııa Windows 10 baǵdarlamasymen jabdyqtalǵan 1200-den astam kompıýterdi tapsyrdy.
Sonymen qatar jalpy adam men qoǵamnyń arasyndaǵy altyn kópirdi nyǵaıtý úshin NCOC qyzmetkerleri men merdigerler personaly #bizbirgemiz naýqany aıasynda kúnkórisi tómen otbasylarǵa kómek kórsetý úshin qarajat jınady. 4 aptaǵa jýyq merzimde 2,5 mln teńge jınalǵan bolatyn. Áleýmettik qashyqtyqqa qaramastan, adamdar bir-birine kómektesýdiń joldaryn taýyp, kómekke zárý otbasylarǵa qol ushyn sozdy.
Indetpen kúres áli toqtaǵan joq. Kompanııa Atyraý jáne Mańǵystaý oblystarynyń turǵyndaryna barynsha qoldaý kórsetýden aıanyp qalmaıdy.
Qyzmet etken bastapqy jyldardan bastap, NCOC kompanııasy jergilikti qoǵamnyń ajyramas bóligine aınaldy jáne kompanııa úshin osy qıyn kezeńde barynsha qoldaý kórsetý óte mańyzdy.
Qýanyshbek MUQANOV,
Nort Kaspıan Opereıtıng Kompanı N.V. (NCOC) densaýlyq, eńbek, qaýipsizdik jáne qorshaǵan ortany qorǵaý jónindegi dırektory