Qalyptasqan ystyq aýa raıyna baılanysty respýblıkada joǵary órt qaýiptiligi saqtalyp otyr, - dep habarlady Tótenshe jaǵdaılar komıtetiniń baspasóz qyzmeti.
Aǵymdaǵy jylǵy 5 tamyzda ótken táýlikte respýblıka boıynsha 7 tabıǵı órt jáne 11 dala janýy oqıǵasy tirkeldi.
Qostanaı oblysyndaǵy 5 tabıǵı órt jáne Almaty oblysyndaǵy 2 janý TJK baqylaýynda, olardy joıý boıynsha sharalar qabyldanýda.
Budan basqa ótken táýlikte Aqmola, Aqtóbe, Shyǵys Qazaqstan, Qostanaı, Qaraǵandy, Pavlodar, Soltústik Qazaqstan oblystaryndaǵy tabıǵı órtter jáne qurǵaq shóptiń janýy joıyldy. Atalǵan óńirlerde janýdyń jalpy aýdany 400 ga.
О́rtti joıýǵa TJD, erikti órt sóndirý quramalarynyń, orman sharýashylyqtarynyń kúshteri men quraldary jumyldyryldy.