Jyl saıyn oblystyq tarıhı-ólketaný mýzeıiniń qyzmetkerleri arheologııalyq qazba jumystaryn júrgizedi. Arheologııalyq top ár sapardan oljaly oralady. Máselen, 2017 jyly Qyzylqoǵa aýdanyndaǵy Mııaly qorǵandarynyń birinen qoladan quıylǵan qazan tabyldy.
Qola qazannyń pishini kúndelikti tutynyp júrgen buıymnan ózgesheleý. Bir qaraǵanda shar tárizdes bolǵanmen, erneýi keń qaıyrylypty. Syrtynan tegistelgenge uqsaıdy. Sheti maıysyp qalypty. Tórt qulaǵy bar. Onyń ekeýi qazan ishine úńilip turǵan jylqy beınesinde jasalypty. Al ekeýinde kıikke uqsas janýar beınelenipti. Alaıda onyń biri synǵan.
Qalaı degende, qorǵannan tabylǵan qola qazan qundy jádigerge aınaldy. Este joq eski zamannyń mádenıetinen syr sherter eksponat tarıhy áli de zertteletin bolar.
Atyraý oblysy