Nur-Sultan ákimdigi Qazaqstandyq ıpotekalyq kompanııamen birlesip birqatar áleýmettik turǵyn úı qurylysyn júzege asyrýda. Bul týraly elorda ákimdiginiń resmı saıtyna silteme jasaı otyryp Egemen.kz habarlaıdy.
"Bul úıler satyp alý quqyǵymen jalǵa beriletin turǵyn úı qataryna jatady. Qoljetimdi baspana muǵalimder men dárigerler arasynda bólinedi. Bıyl beriletin páter sany — 1 myńǵa jýyq. Búgin Abaıdyń 150 jyldyǵy, Shuǵyla, Qosshyǵululy, Toraıǵyrov kóshelerinde, Tólebaev jáne Sharbaqty kósheleriniń qıylysynda jáne Tilendıev dańǵylynda ornalasqan úıdiń qurylysy barysymen tanystym", dep jazdy Altaı Kólginov óziniń "Instagram" paraqshasynda.
Budan basqa, kezekte turǵan (halyqtyń áleýmettik álsiz toptaryna), turǵyn úı qurylys jınaq bankiniń salymshylary úshin turǵyn úı salý boıynsha jumys júrip jatyr. Kelesi jyldarǵa baǵyttalǵan daıyndyq jumystary da bastaldy.