Araǵa bes aı salyp qaıta jalǵasqan fýtboldan Chempıondar lıgasynyń 1/8 týrnıriniń kezdesýleri aıaqtalyp, shırek fınalǵa shyqqan segiz komanda belgili boldy.
Atap aıtar bolsaq, Italııanyń «Atalanta», Fransııanyń PSJ jáne «Lıon», Germanııanyń «RB Leıpsıg» jáne «Bavarııa», Anglııanyń «Manchester Sıtı», Ispanııanyń «Atletıko» jáne «Barselona» klýbtary jartylaı fınaldyń joldamasyn sarapqa salady. 1/8 fınaldyń matchtary burynǵy ereje boıynsha alań qojaıyndarynyń stadıonynda ótse, shırek fınal, jartylaı fınal jáne fınaldyq matchtary endi Portýgalııa astanasy Lıssabon qalasynda ótedi. Komandalar ádettegideı eki oıyn emes, bir match oınaıdy.
Portýgalııada ótetin 1/4 fınalda «Atalanta» – PSJ (13 tamyz), «RB Leıpsıg» – «Atletıko» (14 tamyz), «Barselona» – «Bavarııa», «Manchester Sıtı» – «Lıon» (15 tamyz) komandalary baq synaıdy. Matchtar Nur-Sultan ýaqyty boıynsha 01:00-de bastalady.