Atalǵan shara "Birgemiz: Taza Alem" jalpyulttyq jobasy aıasynda ótti, dep habarlaıdy elorda ákimdiginiń resmı saıty.
Ploggıng formatyndaǵy senbilikte eriktiler men ekobelsendiler Saryoba kóli mańyn qoqystan tazartty. Qoqysty suryptaý úshin volonterlerge arnaıy 2 tústi qap berildi: aq qapqa suryptalatyn, ıaǵnı plastık, shyny, alıýmınıı jáne makýlatýra jınalyndy; al jasyl qapqa qalǵan suryptalmaıtyn qoqys jınalyndy. Senbiliktiń sońynda jınalǵan qoqys arnaıy kólikpen suryptalýǵa jiberildi.
"Ekosenbilik degen jaı ǵana senbilik emes, eń basty qaǵıdasy – jınaǵan qoqysty suryptaý. Barlyǵy 20 qap qaıta óńdelmeıtin qaldyqtar men 7 qap qatty qaldyqtar jınalyp, qaıta óńdeýge jiberildi. Jalpy alǵanda, biz jaǵalaý boıynan 2,5 shaqyrymǵa jýyq aýmaqty tazarttyq", -dedi "Jas Ulan" biryńǵaı balalar men jasóspirimder uıymynyń tóraıymy Dınara Sádýaqasova.
Aıta keteıik, tazalaýdan basqa, eriktiler barlyq turǵyndardy sanıtarlyq normalardy saqtaýǵa, qoqysty jınap júrýge jáne tazalyq saqtaýǵa shaqyrdy. Is-shara "Birgemiz: Taza Alem" jalpyulttyq jobasy aıasynda ótkizildi.