Fýtboldan Eýropa lıgasynyń shırek fınaldyq saıystary aıaqtalyp, bas júlde úshin tartysty jalǵastyryp jatqan úzdik tórt komanda anyqtaldy, - dep habarlaıdy Egemen.kz.
Osy aptada kógildir ekranǵa kóz tikken jankúıerler tórt básekeni tamashalady. Keshe Doneskiniń "Shahteri" Shveısarııanyń «Bazel» klýbynyń tas-talqanyn shyǵardy. Esep – 4:1.
Ispanııanyń "Sevılıasy" men aǵylshyndardyń "Výlverhempton" arasyndaǵy básekeniń taǵdyry kezdesýdiń aıaqtalýyna eki mınýt qalǵanda sheshildi. 88 mınýtta Pırneı túbeginen kelgen órenderdiń osy matchtaǵy jalǵyz goldy soqty – 1:0.
Al onyń aldynda Italııanyń "Interi" Germanııanyń "Baıer 04" klýbyn 2:1 esebimen utsa, Anglııanyń "Manchester Iýnaıtedi" pen Danııanyń "Kopengageni" negizgi ýaqytta bir-biriniń osal tusyn taba almady. Overtaımda aǵylshyndardyń asyǵy alshysynan tústi – 1:0. Bul básekelerdiń barlyǵy da Germanııada ótti.
Endi jartylaı fınalda "Shahter" men "Inter" jáne "Manchester Iýnaıted" pen "Sevılıa" sheberlik baıqasady. Bul kezdesýler 16 jáne 17 tamyz kúnderi ótedi.