Eldegi pandemııa jaǵdaıyn baılanysty, Álııa Nazarbaevanyń qory qaıyrymdylyq sharalaryn jalǵastyryp jatyr. Osy maqsatta qor aýrýhanalarǵa 233 ottegi konsentratory satyp aldy. Medısınalyq jabdyqtary bar qaıyrymdylyq júk Qytaı Halyq Respýblıkasynyń shekarasynan ótti, endi bul júk alýshylardyń mekenjaılaryna jiberiledi, - dep habarlaıdy Egemen.kz qordyń baspasóz qyzmetine silteme jasap.
Adam ómiri úshin te mańyzdy apparattar Mańǵystaý, Atyraý, Aqtóbe, Qaraǵandy jáne Qostanaı oblystaryndaǵy oblystyq, qalalyq jáne aýdandyq mańyzy bar 17 aýrýhanaǵa jiberiledi. Qor logıstıka boıynsha monıtorıng júrgizedi jáne 17 aýrýhananyń árqaısysymen ottegi konsentrattaryn ýaqtyly jáne qaýipsiz jetkizý boıynsha tyǵyz jumys júrgizedi. QR Densaýlyq saqtaý mınıstrligi tynys alý apparattaryna muqtaj medısınalyq mekemelerdiń tizimin usyndy.
Ottegi konsentratory ókpe aýrýlaryn emdeýde syǵylǵan ottegige qaýipsiz balama retinde qoldanylady. Apparat ony pasıentke joǵary konsentrasııada - 90-95% mólsherde beredi. Aıta ketý kerek, aýada otteginiń mólsheri shamamen 20% quraıdy.
Osy ıgi amalǵa baılanysty, Álııa Nursultanqyzy óziniń instagram-daǵy paraqshasynda "Bizdiń gýmanıtarlyq kómek dárigerlerge koronavırýspen kúreste kómektesedi dep shyn júrekten úmittenemin jáne duǵa etemin, sondaı-aq Qytaıdan Qazaqstanǵa ómirlik mańyzdy apparattardy tasymaldaýǵa qatysqan barlyq adamdarǵa alǵys bildirgim keledi" - dep jazdy.
Esterińizge sala keteıik, koronavırýstyq pandemııa kezinde Álııa Nursultanqyzy Nazarbaevanyń qory halyqqa azyq-túlik sebetteri, dári-dármekter, kıim-keshek sertıfıkattary, sondaı-aq balalardy qashyqtan oqytý úshin noýtbýkter satyp alý túrinde birneshe ret qaıyrymdylyq kómek kórsetken edi.