Úkimet basshysynyń tapsyrmasynan keıin Batys Qazaqstan oblysynda áleýmettik mańyzy bar taýarlardyń baǵasyn retteý sharalary qarqyn aldy. О́ńirlik komıssııa Oraldaǵy «Altyn Alma» bazarynda reıd júrgizip, negizsiz kóterilgen baǵa belgilerin birden aldyrtyp tastady, dep habarlaıdy Egemen.kz.
Komıssııa músheleri et jáne kókónis pavılondaryn aralap, saýdagerlermen tikeleı dıalog ornatty. Kásipkerlerge saýda ústemesin 15 paıyzdan asyrmaý, baǵa belgilerin mindetti túrde qoıý jáne sanıtarlyq normalardy saqtaý talaptary túsindirildi.
Reıd barysynda kartop saýdasyndaǵy jetkizý tizbeginen eki artyq deldal anyqtalyp, olar birden aınalymnan shyǵaryldy. Bul qadam baǵanyń aıtarlyqtaı arzandaýyna jol ashty. Buryn kartoptyń kelisi sapasyna qaraı 230-250 teńgeden satylǵan. Qazir «AQJAIYQ» ÁKK turaqtandyrý qorynan ónim tikeleı jetkizilip, 165 teńgeden satylymǵa shyqty (jetkizý baǵasy – 145 teńge).
15%-dyq mejeden asqan: Azyq-túlik baǵasyn negizsiz kótergen kásipkerge aıyppul salyndy
Qazirgi tańda turaqtandyrý qory bazarǵa táýligine 5 tonnaǵa deıin ónim jóneltip jatyo. Arzan ári sapaly kókóniske suranys joǵary. Mundaı jetkizilimder mamyr aıynyń birinshi onkúndigine deıin jalǵaspaq.
Jyl basynan beri BQO-da óńirlik komıssııanyń 11 otyrysy ótti. Tekserýler nátıjesinde:
1. Saýda ústemesin zańsyz ósirýdiń 47 faktisi anyqtaldy.
2. Barlyq zań buzýshy kásipkerlerge ákimshilik jaza qoldanyldy.
Komıssııanyń bul jumys formaty baǵany jedel retteýge múmkindik berip otyr. Kóshpeli tekserýler aldaǵy ýaqytta da turaqty túrde jalǵasady.