Bul týraly belgili memleket jáne qoǵam qaıratkeri, «Adaldyq alańy» jobalyq keńsesiniń jetekshisi Aıgúl Soloveva málimdedi. Ol ótken jyldyń qarashasynda QR Ekologııa, geologııa jáne tabıǵı resýrstar mınıstrligi janynan QR Sybaılas jemqorlyqqa qarsy is-qımyl agenttigimen birlesip quryldy. Aıgúl Soloveva Ekologııa mınıstrliginiń sybaılas jemqorlyqtyń aldyn-alý taqyrybyndaǵy otyrysy sheńberinde sóz sóıledi, - dep habarlaıdy Egemen.kz
"Bizde, mysaly, ınteraktıvti karta jáne shaǵymdar kelip túsetin veb-saıt, óńirlik jelilik qurylym, arnaıy elektrondyq poshta, jeke chat bar. Biz sonymen birge halyqpen jumys isteımiz, kóptegen ashyq alańdarymyz bar. Men bul jumysty adaldyqqa, aldyn alý sharalaryna basa nazar aýdara otyryp, jalǵastyrǵym keledi", - dedi Soloveva hanym.
Onyń aıtýynsha, Shyǵys, Batys Qazaqstan oblystary, Nur-Sultan jáne Pavlodar qalasy Joba keńsesiniń jumysyna belsendi qatysady. О́z kezeginde, Ekologııa mınıstri Maǵzum Myrzaǵalıev jurtshylyqpen yntymaqtastyqtyń mańyzdylyǵy týraly pikirmen kelisedi. Ekologııa mınıstrligi jaqynda Qazaqstannyń túrli óńirinde, sondaı-aq onlaın rejimde jurtshylyqpen birqatar kezdesýler ótkizdi. Ol sonymen qatar ekologııalyq máselelerdi sheshýdegi sybaılas jemqorlyqqa nóldik tózimdiliktiń qajettiligi týraly óziniń ustanymyn bildirdi.