Búgin elimizde Parlament Senatyna depýtat saılaý naýqany ótti. Saılaýdyń aldyn ala qorytyndylary Qazaqstan Respýblıkasy Ortalyq saılaý komıssııasynyń saıtynda jarııalandy, - dep habarlaıdy Egemen.kz.
Senat depýtattyǵynan úmitkerlerge jergilikti máslıhat depýtattary daýys berdi. Jambyl oblysynan osy ýaqytqa deıin oblys ákiminiń birinshi orynbasary qyzmetin atqaryp kelgen Bekbolat Orynbekov 92,09 paıyz daýyspen Parlament Senatynyń depýtaty bolyp saılandy. Jambyl oblystyq aýmaqtyq saılaý komıssııasynyń tóraǵasy Serǵalı Aıdapkelovtiń habarlaýynsha, Senat depýtattyǵynan úmitker Bekbolat Orynbekov 163 daýys, Oksana Borısıýk 14 daýys alǵan.
Bekbolat Orynbekov 1957 jyly Jambyl oblysynda týǵan. Ár jyldary Talas aýdany, Qarataý qalasynyń ákimi, Sarysý aýdanynyń ákimi, Taraz qalasynyń ákimi jáne Jambyl oblysy ákiminiń birinshi orynbasary qyzmetterin atqarǵan.