Onlaın-kezdesý barysynda Agenttik tóraǵasy Qazaqstannyń saıası jańǵyrýynyń negizgi aspektilerine, onyń ishinde parlamenttik oppozısııa ınstıtýtyn engizýge, saıası partııalar qurý úshin onyń múshelerin kem degende eki ese azaıtýǵa (40 myńnan 20 myńǵa deıin), partııalyq tizimderdegi áıelder men jastardyń 30%-dyq kvotasyna basa nazar aýdara otyryp, sybaılas jemqorlyqqa qarsy zańnamanyń ózekti novellalaryn tanystyrdy, - dep habarlaıdy Egemen.kz
Memleket basshysynyń bastamasy boıynsha halyqaralyq standarttardy tizbekti ımplementasııalaý júrip jatyr, onyń aıqyn mysaldary – jala jabýdy qylmyssyzdandyrý jáne beıbit jınalystardy retteýdi lıberalızasııalaý. Sonymen qatar, sarapshy qazirgi ýaqytta júrgizilip jatqan aýqymdy sıfrlandyrý, bıznes-prosesterdi reınjınırıngileý jáne memlekettik apparatty ońtaılandyrý negizinde memlekettik basqarý júıesiniń «qaıta júktelýi» týraly aqparat aldy.
О́z kezeginde Nıý-Iork qalasynan kezdesýge qatysqan Makkı myrza Qazaqstandaǵy sybaılas jemqorlyqqa qarsy saıasatty júzege asyrýdyń "organıkalyq" tásilin joǵary baǵalady.
"Sybaılas jemqorlyq – bul kóp qyrly másele, sondyqtan da sizdiń elińizde qylmystyq zańnamaǵa sáıkes naqty ózgerister engizip qana qoımaı, sondaı-aq memleket pen qoǵamdy shynaıy demokratııalandyrýǵa baǵyttalǵan anaǵurlym irgeli máselelerge nazar aýdaratyny qýanyshty jaǵdaı", - dep atap ótti spıker.
Sondaı-aq, PRS Group basshysy sybaılas jemqorlyqqa qarsy is-qımyldaǵy Qazaqstannyń azamattyq qoǵam ınstıtýttary men jekelegen erikti belsendilerdiń róli ósip kele jatqanyn oń baǵalady.
Koronavırýstyq pandemııaǵa qaramastan, Sybaılas jemqorlyqqa qarsy is-qımyl agenttigi halyqaralyq uıymdarmen jáne sybaılas jemqorlyqqa qarsy sheteldik mekemelermen onlaın-formatta konstrýktıvti ózara árekettestikti jalǵastyrýda.