Senat depýtaty Erik Sultanov Soltústik Qazaqstan oblysyna baryp, birqatar áleýmettik mańyzy bar nysandardyń jaı-kúıimen tanysty. Oblysqa qarasty aýdandarǵa arnaıy barǵan depýtat jol qurylysy men jóndeý jumystarynyń sapasyn tekserdi. Senator bul salaǵa memleket bıýdjetinen júzdegen mıllıon teńge qarajat bólinetinine mán berip, jergilikti bılik osy baǵyttaǵy jumysty udaıy baqylaýda ustaýǵa tıis ekenin aıtty. Sondaı-aq, Erik Sultanov jergilikti sharýa qojalyqtarynyń birine at basyn buryp, mıneraldy tyńaıtqyshtar shyǵaratyn zaýyttyń jáne bıdaı keptiretin orynnyń qurylysymen tanysty, - dep habarlaıdy Egemen.kz.
Odan bólek, senator oblys ortalyǵynda salynyp jatqan nysandardy aralady. Naqty aıtqanda, Petropavl qalasyndaǵy 108 páterli kóp qabatty turǵyn úıdiń qurylysshylarymen kezdesti. Jospar boıynsha atalǵan úı eki jyldan keıin ǵana paıdalanýǵa beriledi. Alaıda, depýtat bul óte uzaq merzim ekenine nazar aýdardy.
"Turǵyn úı qurylysyn tezirek aıaqtap, 2021 jyly tapsyrǵan jón. Bul úı "5-10-20" baǵdarlamasy boıynsha beriledi. Iаǵnı, jyldyq mólsherlemesi 5 paıyz, alǵashqy jarnasy 10 paıyz bolatyn jáne 20 jylǵa beriletin ıpoteka óte tıimdi. Mundaı baǵdarlama buryn-sońdy bolǵan joq. Munyń bári halyq úshin jasalyp otyr", – dedi senator.
О́z kezeginde qurylysshylar úı qurylysyn merziminen buryn aıaqtaýǵa daıyn ekenderin jáne ol jaǵdaı sapaǵa eshqandaı keri áserin tıgizbeıtinin jetkizdi.
Sonymen qatar depýtat 500 oryndyq qazaq teatrynyń qurylys jumysyn arnaıy baryp kórdi. Búginde úsh qabatty ǵımarat salynyp bitken. Endi shatyr jumystary qalǵan. Osy rette teatrdyń sáýletshileri zalda dybystyń tunyq estilýi úshin akýstıka máselesine erekshe kóńil bólip, sheteldik mamandardyń keńesine júgingenin aıta ketken jón.
Qazirgi tańda oblys ortalyǵynda kóptegen ınvestısııalyq jobalar sátti júzege asyrylyp jatyr. Solardyń biri Kalının atyndaǵy burynǵy zaýyt. Birneshe jyl boıy 100 myń sharshy metrge jýyq jer óndiristik oryn retinde bos turǵan. Endi ınvestordyń qoldaýymen bul orynda "Data center" ortalyǵy qurylmaq. Osy rette senator óńirdegi basqa da turalap qalǵan nysandardy ınvestorlar arqyly jandandyryp, kádege jaratýdyń mańyzy zor ekenin aıtty. Sondaı-aq, ol nvestısııa tartý úshin Qazaqstanda tıisti zańnamalyq baza bar ekenin de tilge tıek etti.