Azamattarǵa arnalǵan úkimet» memlekettik korporasııasy Almaty qalasy fılıalynyń Alataý aýdandyq front-ofısi sońǵy eki aıda 3,5 myńǵa jýyq ótinish qabyldaǵan. Bul týraly fılıal dırektory Danııar Qyryqbaev óziniń feısbýk paraqshasynda jazdy.
Almaty qalasynyń Halyqqa qyzmet kórsetý boıynsha №1 Alataý aýdandyq bólimi karantın kezinde klıentterdi dúısenbi men senbi aralyǵynda saǵat 9.00-den 16.00-ge deıin qabyldaıdy.
Osy qıyn kezeńde bólim kúnine 15-20-dan astam elektrondyq ótinishterdi qabyldap, óńdeýde. Sondaı-aq, aldyn ala jazylý (bron) boıynsha front-ofıste de azamattardy qabyldaý júrgiziledi.
Bólim karantın kezindegi sońǵy eki aıda 3,5 myńǵa jýyq ótinish qabyldapty.
Atap aıtqanda, «Júktilik pen bosanýǵa baılanysty tabysynan aıyrylǵan jaǵdaıda tólenetin áleýmettik tólem» boıynsha – 1000 ótinish, «Bala týǵanda jáne bala kútimi boıynsha járdemaqy taǵaıyndaý» qyzmeti boıynsha – 1013 ótinish, «Balanyń týýyn tirkeý, onyń ishinde azamattyq hal aktileri jazbalaryna ózgerister, tolyqtyrýlar men túzetýler engizý» boıynsha – 1150 ótinish qabyldaǵan.
Osy aptada bólim qyzmetkerleri bolashaq analar men Alataý aýdanynyń keıbir ata-analaryn jańa týǵan nárestelerdiń dúnıege kelýimen quttyqtady. Týý týraly kýálik pen sharlar tabys etildi.
Osylaısha, qıyn kezeńde ómirge sábı ákelgen jáne bolashaq analardy qoldap, kóńilderin kóterip, qurmet kórsetti.