15 tamyz - kompozıtor, Qazaqstannyń halyq ártisi (1991), Qazaqstan Respýblıkasy memlekettik Ánuran avtorlarynyń biri, qazaq valsiniń koroli Shámshi (Jámshıd) Qaldaıaqovtyń týǵan kúni.
Ol 1930 jyly qazirgi Túrkistan oblysy, Otyrar aýdany, Shámshi Qaldaıaqov aýylynda dúnıege kelgen.
Ekinshi dúnıejúzilik soǵys jyldary tylda jumys istep, 1950 jyly Saryaǵashtaǵy Qaplanbek maldárigerlik tehnıkýmyn támamdaǵan. 1951-1954 jyldary Qıyr Shyǵysta áskerı boryshyn ótegen. 1956-1962 jyldary Almaty memlekettik konservatorııasynda oqyǵan.
Dańqty sazger 1950 jyldan bastap shyǵarmashylyq qyzmetpen aınalysqan. Jalpy 40 jyldan astam shyǵarmashylyq jolynda 300-ge jýyq án jazǵan. «Arys jaǵasynda»,«Teriskeı»,«Ana týraly jyr», «Moıynqumda aýylym», «Saǵynyshym meniń», «Tamdy arýy», «Qaıyqta», «Aq bantık», «Keshikpeı kelem dep eń», «Qýanysh valsi», «Dúngen qyzy», «Jaqsygúl», «Ánim sen ediń» jáne taǵy basqa ánderi qalyń qazaqtyń joǵary baǵasyna ıe boldy.
Birtýar kompozıtor 1992 jyly 29 aqpanda 62 jasqa qaraǵan shaǵynda uzaqqa sozylǵan aýyr naýqastan qaıtys boldy.
Al 1991 jyly Shámshi Qaldaıaqov týraly «Jyldarym meniń, jyrlarym meniń» atty ǵumyrnamalyq derekti fılm túsirildi.
1992 jyldan bastap dástúrli túrde sazgerler men ánshilerge arnalǵan Shámshi Qaldaıaqov atyndaǵy halyqaralyq baıqaý-festıval ótkizilip keledi.